مروچی برطانیاءِ شھر لندنءِ "اولڈ بیلی کورٹ"ءَ میر ھیربیار مری و فیض بلوچءِ کیس یک رندے پدا قاضیءِ دیما إیر کنگ بیت و سرکاری وکیلءَ گون نوکین پندلان چہ قاضیءَ گيئشتر مھلت پچ گپت۔سرکاری وکیلءِ دستبندیءَ گشگ بیت کہ آیان لھتے نوکین شاھدی دستا کپتگ و پہ إشانءِ سرا پٹاسکاریءَ گيئشتر وھد پہ کار إنت۔ إے دستبندیءِ سرا قاضیءَ دگہ سے ھفتگءِ مُھلت سرکاری وکیلءَ دات۔ إے ردا آیوکین پیشی 22 فروریءَ "ولچ کراؤن کورٹ"ءَ بیت إنت۔
پیشیءِ وھدا کساس 20 کسان کورٹءِ دپءَ فیض و ھیربیارءِ حمایتءَ نبشتگین نعرھان گون 'پلے کارڈ' داشتگ تنت و دگہ بازین کس کورٹءِ توکا نندوک بیتگ۔ فیض و ھیربیارءِ رابطہ ویڈیو کیمرہءِ سرا گؤن کورٹءَ جوڑینگ بیتگ و آ چہ جیلءَ سرجمین کاروائیءَ چارگا بیتگ أنت۔
.
آنگو بلوچستانءِ حالتاکان شنگ بیتگین حالےءَ گشگ بیتگ کہ بی إس او –آزاد فیض بلوچ و میرھیربیارمریءِ بندیگیءِ خلافا اُلـُسءِ دست نشانان سرجم کنت و پاکستانءِ توکا برطانیاءِ سفیرانءَ دنت۔ إے کار یکے چہ شرترین کامگیجان زانگ بیت إنت و إمید إنت کہ فیض و ھیربیارءِ آزادیءَ کمک بہ کنت۔ بلوچی نیوز رپورٹ۔ فوٹو بلوچء توار
هیچ نظری موجود نیست:
ارسال یک نظر
وتی کلوا چێرا نبیس إت