چہ مشرقی بلوچستانءَ وشین حالے مئے دستا کپتگ کہ إشیءِ ردا بلوچستانءِ سیاسی گل و ھوربند جمھوری وطن پارٹی، بلوچ نشنل موومنٹ، بلوچ رائٹس کونسل، بلوچ یونٹی کانفرنس، بلوچ بار أسوسی إیشن و بی إس او -آزاد یک تپاکیے جوڑ کتگ و إشی نام "بلوچ نشنل فرنٹ"إیر کتگ۔بلوچ نشنل فرنٹءِ آرگنائزر واجہ غلام محمد بلوچ و ڈپٹی آرگنائزر واجہ جلیل ریگی گچین بیتگ أنت۔ إشان وتی بنردی لوٹ بلوچانءِ رھشونی دیم پہ ملکءِ آزادیءَ گشتگ۔ بلوچ نشنل فرنٹ باندات گون حالکاران گپ کنت و وتی پروگرامءَ اُلسءِ دیما گيئشتر ظاھر کنت۔
بلوچ نشنل فرنٹءِ گچین کتگین بیرک ھمے سبز، سھر، نیل گون روچءَ إنت۔ إے بیرک مغربی بلوچستانءِ بازین گلان ھم وتی راجی نشان منـّتگ و گون -یو ان پی او- ھور دگہ بازین جاھان بلوچ راجءِ نمایندگیءَ کنگا إنت۔
بلوچی نیوز إے حالءَ پہ راجءَ وشیءِ مستاگے زانت و اشانءِ دیمرئی و سوبینیءَ واھوگ إنت۔
هیچ نظری موجود نیست:
ارسال یک نظر
وتی کلوا چێرا نبیس إت