ڈنمارکیان مان أفغانستان 9 پروشت پروشین مسیت شر کتگ أنت و یک مزنین مسیتے چہ وتی نیمگا أڈ کنگا أنت۔ إے مسیتانءِ أڈ کنگ أفغانستانءِ ترقی دیگءِ گامگیجانءِ حسابا جنگ بیتگ، بلے باز کس گشگا أنت کہ مان ڈنمارک پیغمبرءِ کارٹونءِ أڈ کنگا مسلمانانءِ دلان آزرینگءِ کفـّارہ أنت کہ ڈنمارکش أدا کنگا إنت۔ڈنمارکیانءِ گشگ إنت کہ هتچوناھیءَ إسکول و نادراھجاہ شرترین شھولت زانگ بنت، بلے أفغانستانءِ مردم چہ ھر چیز گيئشتر پہ مسیتان واھوک أنت چمشکا پروشت پروشین 9 مسیت أڈ کنگ بیتگ أنت و مان ھلمند صوبہءِ شھر رحیم کلےءَ دگہ یک مزنین مسیتے أڈ کنگا گلائیش أنت۔
فوجی جنرل 'جونز مرٹن جورجنسن' گشتگ "ما گون ھندی مردمان دپ کپتگ إنت و چہ آیان جست کتگ کہ آیان گیئشترچونین سھولتءِ ضرورت اِنت، گڈا چہ ھر چیز گيئشتر آیان عبادتگاهانءِ ضرورت ظاھر کتگ"۔
ڈنمارکءِ سرکار مخالف پارٹی زھر کپتگ أنت کہ ڈنمارکیانءِ زر پہ مسیت أڈ کنگا خرچ کنگ بیگا أنت و مسیت طالبانءِ دستا کپت أنت۔ ألبت جنرل جورجنسن جوابا گشتگ کہ ضمانت دیگ بیت نہ کنت کہ إے مسیت طالبانءِ دستا نہ کپ أنت، ھمے ڈول سڑک کہ أڈ کنگ بیگا أنت ھم گون ألـّمی گشگ بیت نہ کنت کہ طالبان إشان پہ وتی سلاحانءِ برگ و آرگا کارمرز نہ کن أنت۔ إنگلیش آرٹکل
هیچ نظری موجود نیست:
ارسال یک نظر
وتی کلوا چێرا نبیس إت