جنگانءِ سببا چه ظاهر کتگینان باز گیئشتر مردم کشگ بیتگ و در په در أنت

برٹش میڈیکل جرنلءِ سرجم کتگین رپوٹےءَ گشگ بیتگ کہ گوستگین 50 سالان مان جھانءَ مرتگین مردمانءِ حساب باز گيئشتر چہ پیسری اندازوان إنت۔ فوجی رپورٹانءِ چپ مان جھانءَ نوکترین جنگانءِ سببا مردمانءِ مرگ ھچ کم نہ ترّتگ؛ بلی تورین نوکین سلاح و جنگي رھبند کارمرز بیگا أنت۔
.

داکٹر کرسٹوفر مورےءَ کہ یکے چہ رپورٹ نبیسوکان إنت، گشتگ کہ جنگانءِ سببا مرتگینانءِ حساب دو پیما جنگ بیتگ کن أنت۔ یکے شاھدانءِ حبر أنت و دومی جنگان توکا ھورین واکانءِ داتگین حساب أنت۔ شاھدانءِ حبر گيئشتر چہ میڈیاءَ دستا کپ أنت، ھنچوناھیءَ إشان شنگ کنوکین رپورٹر چمان وت نہ گند أنت۔ ھمے ڈولا جنگانءِ توکا ھورین واکان بازین بھانہ ھست إنت کہ آ مرتگینانءِ حسابا کم یا گيئش بہ کن أنت۔
.

"چمشکا ما سرکاری حساب مان جنگ زدگین ھندان لوگ پہ لوگ جست کنگا رند رستگین حسابان گون دیم پہ دیم کتگ أنت تا ألـّمترین حسابے دستا بہ کپیت" داکٹر مورے گيئش کتگ۔

.

ھمے رھبندا کار بندگا رند رستگین حسابانءِ ردا چہ 1985 تا 1994 سالے 378،000 مردم جنگ بیتگ أنت۔ پیسری رپورٹان إے حساب 137،000 مردم ظاھر کتگ۔ اے ردا چہ هر جاه گيئشتر ردی بندگلادیش و زمباوےءِ آزادیءِ جنگان جنگ بیتگینانءِ حسابا گندگ بیتگ۔ پیسری حسابان إے دوئین ملکان کشگ بیتگین مردم 58 ھزار و 28 ھزار ثبت بیتگ أنت، بلے نوکین أندازوانءِ ردا بنگلادیشءَ 269،000 و زمباوےءَ 130،000 مردم جنگءِ ھرجان شتگ أنت۔

.

بید چہ إشی یو إن ریفوجی کونسلءَ اندازو جتگ که (جنگانءِ سببا) 26 ملین مردم مان وتی ملکانءِ توکا هنـّی در پہ در أنت۔ إشانء توکا یوکا مان عراق چہ 2003ءَ دیم پہ إنگو 2 ملین مردم درپہ در أنت۔ سائنس روچتاک