عبدالمالک ریگي و إیرانی سرکارءِ جنگ بلوچ راجءَ دیم پہ تباھیءَ برگا إنت۔ إے ھمنچوک زیت تر بند بہ بیت پہ بلوچ و بلوچستانءَ گھتر إنت۔ ھما إنت کہ ریگی دیما آتکگ سرجمین بلوچستان کہ پیسرا یک فوجی زونے زانگ بیتگ أت، نین فوجی کالونیے جوڑ بیتگ۔ بید چہ إے تاوانءَ صدانءِ بلوچ ورنا میار بے میار إیرانی واکان درتکگ یا تیرانءِ آماچ کتگ و کشتگ أنت۔ بازین ورنا چہ وتی وانگانءِ دیما برگا زبھر بیتگ أنت۔ لھتے جاھان بلوچانءِ میتگ گون ٹانک و بلڈوزران چٹا تباہ کنگ و مردم بے لوگ کنگ بیتگ أنت۔
گون إشی ھور مذھبی جیڑھان راجی جیڑہ چیئر ترّینتگ۔ آ گپانے کہ پیسرا ما چہ سیاسی جھدکار و گلانءِ دپءَ إشکنگا تنت، نین بے مانا أنت۔ نین بلوچ سیاسی گل چوکہ زرمبش، حزب مردم، مبارزین و جبھہءِ بدلا بلوچستانءِ ترجمانی کنگ یک 24 سالگین نوجوانےءِ دستا إنت و ھر چے ھما گشیت میان استمانی میڈیا ھمشیءَ بلوچستانءِ مردمانءِ سیاسی نظر پیش کنت۔
عبدالمالک إے شرف چہ وتی جنداللہءِ نیمگا لھتے پاسدارانءِ کشگا چہ رند پہ وت حاصل کتگ۔ آئیءِ أولی مزنین گام مان تاسوکی پاسدار و واکدارانءِ کانوائے سرا یورش أت، پدا سالے رند چہ پاسداران پرّین یک بسےءِ تراکینگءِ شرف حاصل کت۔ وتی نوکترین گامگیجا جنداللہ ھفتگے پیسر مان سراوان یک پایگاھےءِ سرا یورش برت و 16 گجر أغوا کت أنت۔ گون إے شانزدھینانءِ أغوا کنگا یک رندے پدا عبدالمالک إیرانءِ سلطنت طلبین فارس میڈیاءِ زینت جوڑ بیتگ و ھر نیمگا عبدالمالک إنت۔
ألّما عبدالمالک ریگیءِ مشکلان مارگ پہ کار إنت و چہ إے گامانءِ چست کنگا پیسر آئیءِ سرا گوزوکین جاورانءِ قصہ چہ درد و أندوھان پُر أنت، بلے إشی چون مانا کنگ مہ بیت کہ نین بلوچستانءِ نیک و بدءِ واھند عبدالمالک ریگیءِ جنداللہ إنت۔
مان بلوچستانءَ کسے نیست إنت کہ آئيءِ دلءَ پہ عبدالمالک بدی مان بہ بیت۔ ھر کس آئيءِ عمرءِ دراجیءَ واھوک إنت و واھوک أنت کہ آ یک شرّین راجی سیاستے دیما بہ بارت و بلوچ جوان و نوجوانان چہ بلوچستانءِ جاوران سھیگ بہ کنت۔ ألبت ھچ کس واھوک نہ إنت کہ آئی سنـّی و شیعہ جیڑہءِ ھرجان بہ روت و راجءَ هم همے کور چاتءَ دَور به دات۔ پھکانءِ واھگ إنت کہ ھمنچوک زیت تر بیت کنت جوانسالین ریگی چہ سلاحبندین جنگا وتی دستا بہ کشیت۔ إشی پہ بلوچ و بلوچستانءَ شرّین مستاگے بیت إنت۔
گون إشی ھور مذھبی جیڑھان راجی جیڑہ چیئر ترّینتگ۔ آ گپانے کہ پیسرا ما چہ سیاسی جھدکار و گلانءِ دپءَ إشکنگا تنت، نین بے مانا أنت۔ نین بلوچ سیاسی گل چوکہ زرمبش، حزب مردم، مبارزین و جبھہءِ بدلا بلوچستانءِ ترجمانی کنگ یک 24 سالگین نوجوانےءِ دستا إنت و ھر چے ھما گشیت میان استمانی میڈیا ھمشیءَ بلوچستانءِ مردمانءِ سیاسی نظر پیش کنت۔
عبدالمالک إے شرف چہ وتی جنداللہءِ نیمگا لھتے پاسدارانءِ کشگا چہ رند پہ وت حاصل کتگ۔ آئیءِ أولی مزنین گام مان تاسوکی پاسدار و واکدارانءِ کانوائے سرا یورش أت، پدا سالے رند چہ پاسداران پرّین یک بسےءِ تراکینگءِ شرف حاصل کت۔ وتی نوکترین گامگیجا جنداللہ ھفتگے پیسر مان سراوان یک پایگاھےءِ سرا یورش برت و 16 گجر أغوا کت أنت۔ گون إے شانزدھینانءِ أغوا کنگا یک رندے پدا عبدالمالک إیرانءِ سلطنت طلبین فارس میڈیاءِ زینت جوڑ بیتگ و ھر نیمگا عبدالمالک إنت۔
ألّما عبدالمالک ریگیءِ مشکلان مارگ پہ کار إنت و چہ إے گامانءِ چست کنگا پیسر آئیءِ سرا گوزوکین جاورانءِ قصہ چہ درد و أندوھان پُر أنت، بلے إشی چون مانا کنگ مہ بیت کہ نین بلوچستانءِ نیک و بدءِ واھند عبدالمالک ریگیءِ جنداللہ إنت۔
مان بلوچستانءَ کسے نیست إنت کہ آئيءِ دلءَ پہ عبدالمالک بدی مان بہ بیت۔ ھر کس آئيءِ عمرءِ دراجیءَ واھوک إنت و واھوک أنت کہ آ یک شرّین راجی سیاستے دیما بہ بارت و بلوچ جوان و نوجوانان چہ بلوچستانءِ جاوران سھیگ بہ کنت۔ ألبت ھچ کس واھوک نہ إنت کہ آئی سنـّی و شیعہ جیڑہءِ ھرجان بہ روت و راجءَ هم همے کور چاتءَ دَور به دات۔ پھکانءِ واھگ إنت کہ ھمنچوک زیت تر بیت کنت جوانسالین ریگی چہ سلاحبندین جنگا وتی دستا بہ کشیت۔ إشی پہ بلوچ و بلوچستانءَ شرّین مستاگے بیت إنت۔
هیچ نظری موجود نیست:
ارسال یک نظر
وتی کلوا چێرا نبیس إت