مختلف ملکان جاہ منندین بلوچ اِنسانی حقانء پانکجنوکان اِیرانء دستا ھنوگان دستگیر کتگین مردمانء رکـّینگا یک نوکین جھدے بندات کتگ۔ رستگین حالانء ردا 16 جون 2008 اِیرانی واکان یک یورشےءَ 11 مردم چہ بلوچستانءِ شھر نصیر آباد دستگیر کتگ و کورچاتان دور داتگ اَنت۔
ناروے و دگہ درین ملکان جاہ منندین بلوچان پہ الّمی ترس پیش داشتگ کہ ایران اِے بلوچان کہ اِشانء توکا 7 کس چہ 18 سال کسانتر اَنت، پاھو دنت۔ اِحسان ارجمندی نامین بلوچ دانشورےءَ گشتگ کہ اِے دنیاء ملکانء ذمہ داری اِنت کہ پہ اِے مردمانء رکـّینگا گام چست بہ کن اَنت۔ اِے اِنسانی حقانءِ جیڑوے اِنت، چمشکا یورپی یونین و دگہ مغربی ملکان زیت زیتیءَ توار چست کنگ لوٹیت۔
حسن بلیدھی نامین سرین بلوچ اِنسانی حقانءِ جھدکارےءَ گشتگ کہ دنیاء ملکانء سرا فرض اِنت کہ آ یک ٹولیے ساڑی بہ کن اَنت تا آ ایرانءَ بہ رؤت و سیستان و بلوچستانء توکا اِنسانی حقانءِ لگتمالیانءِ سرا پٹاسکاری بہ کنت۔ دی ایشینز
.
سردار غلامعلی نکویی نامین اِیرانی واکدارےءِ بیانے 27 جون مان اِیرانی حالتاکان شنگ بیتگ اَت و آئي گشتگ اَت کہ مان (بلوچستانءِ دمگ) اِیرانشھر و سرباز بازین مردم دستگیر کنگ بیتگ اَنت و چہ اِشان دہ کس پہ گيئشتر چست پرس پٹاسکارانءِ دستا دیگ بیتگ اَنت۔ آئي گيئش کتگ اَت کہ اِے مردمان پہ ٹرورسٹی کاران در چہ ملکء تربیت دیگ بیتگ۔
هیچ نظری موجود نیست:
ارسال یک نظر
وتی کلوا چێرا نبیس إت