ترکیءِ روچتاک 'حریت'ءَ حالے شنگ کتگ کہ اشیءِ ردا استنبول شھرءِ کرّا 13 لاش درکپتگ اَنت و بیت کنت کہ پاکستانی بہ بنت۔ پولیسءِ خیالا یے لاش مان لاریےءَ سوار دیم پہ استنبول آرگ بیگا بیتگ اَنت کہ ساہ منجّگءِ سببا مرتگ اَنت و اشانءِ لاش شھرءِ نزیکا مان ڈگارےءَ دئورش داتگ اَنت۔
یک شاھدےءِ گشتگ کہ (واکان) گون یے لاشان ھور یکصد سی زندگین غیرملکی کہ بے اجارت ترکیءَ پترتگ اَنت، مان ٹرکےءَ سوار شھرءَ رسینتگ اَنتش۔
مردمانءِ خیالا لاش و زندگین مردم ھمراہ بیتگ اَنت کہ انسانی اسمگلران چہ ترسا مان ڈگاران ایئر گپتگ اَنت و وت تتکگ اَنت۔ بی بی سی
ھر روچ صدانءِ حسابا پنجابی، کشمیری و پشتون چہ پاکستان بلوچستانءِ راہءَ ایرانءَ پـُتِر اَنت و چہ اؤدا ایرانی و ترک اسمگلر اشان لاریان سوار ترکیءَ رسین اَنت۔ پدا چہ ترکی کشیانءِ سرا یونان و اٹلی راہ دیگ بنت۔ یے سفرءِ دورانا اِشانءِ نیئم راهءَ بیران بیت، نیئمش دستگیر و پدا پاکستانءَ دیم دیگ بنت۔
ھمے گوستگین دوشبنہءَ پنجابیانءِ یک 319 نفری ٹولیے لاھور سر کنگ بیتگ اَت۔ ھمشانءِ نیاما بازین کس گون ٹپ ٹؤران گندگ بیتگ تنت۔
هیچ نظری موجود نیست:
ارسال یک نظر
وتی کلوا چێرا نبیس إت