بلوچستانءِ انسانی حقانءِ پانکجنوکین تنظیمےءَ چہ دنیاءِ انسان دوستان لؤٹتگ کہ مان نصیر آباد -سرباز -مغربی بلوچستان ایرانی واکانءِ دستگیر کتگین 8 مذھبی جھدکارانءِ رکـّینگا جھد بہ کن اَنت۔
بلوچستان یومن رائٹس واچ و راڈیو بلوچی اف ام سویڈنءِ کاگد نبیستگ کہ 33 گاڑیان سوارین ایرانءِ سلاحبندین فوجیان دوشنبہ 16 جون 08ءَ ایرانی بلوچستانءِ نصیرآباد میتگءَ سرا یورش برتگ۔ اشان لوٹِتگ کہ ھندی سونی عالم مولوی عابد بھرامزھیءَ دستگیر بہ کن اَنت۔
میتگءِ مردمان فوج پہ یے گامءِ چست کنگا نہ اشتگ و فوجءِ دیما اوشتاتگ اَنت۔ اشیءِ سببا بازین مردم ٹپـّيگ کنگ بیتگ انت۔ چہ ٹپـّيگان عبدالباسط وطنخواہ، عبدالحلیم وطنخواہ و خلیل الرحمان بھرامزھی مان نادراھجاہءَ پہ دوا درمان واپینگ بیتگ تنت کہ رندا چہ ھمودا واکداران بندیگجاہءَ برتگ اَنت۔
چہ اشان بئید دگہ بازین مردم دستگیر کنگ بیتگ تنت کہ آوانءِ نیاما عابد گوھرامزھی، حافظ سلاح الدین گوھرامزھی، مولوی خلیل زرئی، مولوی عبدالمجید صلاحزھی و عبید زردکوھی اَنگت بندیگ اَنت و اِشانءِ باروا سیالان ھچ ڈولین سرپدی سرکاری واک نہ دیگا اَنت۔
ایرانی واکانءِ پیئسری کارپد پیئش دار اَنت کہ آ ھنچین جاوران دستگیر کتگین مردمان باز لٹ کٹ کنگا چہ رند کـُش اَنت۔ اِمبری 9 اپریلءَ مان زاھدان دو مولویانءِ درنجگ ایرانی ناروائیانءِ نوکترین مثال اِنت۔
چمشکا بلوچستان یومین رائٹس واچ سرپد اِنت کہ برزا داتگین مردمانءِ جانءَ خطر اِنت۔ وچہ پھکین اِنستان دوستین نتظیمان؛ خاص اَمنسٹی انٹر نشنلءَ دستبندی اِنت کہ پہ اشانءِ رکـّينگا رسگا ضروریئین گام چست بہ کن اَنت۔
هیچ نظری موجود نیست:
ارسال یک نظر
وتی کلوا چێرا نبیس إت