مشرقی بلوچستانءِ وزیر تعلیمءَ گـُشتگ کہ اودا سئے و نیم ھزار ھنچین اُستاد ھست کہ آ یوکا کاگدانءِ توکا گندگ بیگا اَنت۔ یے استاد ھچ جاگہءَ وانینگا نہ اَنت۔ بئید چہ اِشان دو و نیئم ھزار اسلکولان یوکا په نام ھست کہ ھچ جاگہ گواه نه کن اَنت۔ البت 600 دینی مدرسہ ھست اَنت کہ اِشانءِ توکا ھمے زیتان دوصد و پنجاہ ھزار زھگ مان بُنداتی و درمیانی کلاسان وانگ بنگیئج کن اَنت۔
هنون بلوچستانءَ 1400 ھنچین بنداتی وانگجاہ ھست اَنت کہ اِشان ھچ ماڑی نیست اِنت و زھگ درچکانءِ ساھگءَ وانگ دربرگا اَنت۔ آ دگہ نیئمگا 5000 ھنچین اسکول ھست اَنت کہ اشانءِ توکا وانیئوکین استاد یکـّے اِنت۔
وزیرءِ گشگءِ ردا گوستگین سالءَ صوبہءِ خرچانءِ 14 درصد پہ تعلیم گيشیئنگ بیتگ، بلے یوکا 2٪ خرچ کنگ بیتگ۔ بلی تورین ھنـّون مالی مشکل ھست اَنت، پدا ھم چہ مارچ 2009 تا دوازدھمی کلاسءَ وانؤکان مفت وانگی کتاب دیگءِ سرا چاربچار بیگا اِنت۔
وتی آیوکین اِرادوان درشان کنگا وزیر تعلیم گشتگ: محمکہ تعلیمءَ چہ ھندی ناظمانءِ چنگلان گيشیئنگءِ جھد بیگا اِنت۔ مرکزی سرکارءِ کمکـّا بلوچستانءِ اوارین ھندان 10 کیڈٹ (فوجی) کالج و پہ ھنرءِ ھیل دیگا 8 ٹکنکل کالج بندات کنگءِ چن لانچ بیگا اِنت۔ ھوریءَ ھمے سالءَ جَنِکانءِ کالجان پنچ صد استاد کارا دارگ بنت۔ بی بی سی اردو
هیچ نظری موجود نیست:
ارسال یک نظر
وتی کلوا چێرا نبیس إت