دو بلوچ تنظیمان ھئیگ انٹر نشنل کِرمنل کورٹءِ سرا کاگدے دیم داتگ و نبیستگ کہ بلوچستانءِ جاور چہ دارفور بَـدتر اَنت، و لؤٹش کتگ بلوچستانءَ نسل کوشی کنگءِ سرا پاکستانءِ فوجی جرنل کورٹءَ آرگ بہ بنت۔ بلوچ سرڈگارءِ سرا بیے بلوچانءِ رضاءَ پاکستانی فوجءِ نیئمگا برباد کنوکین جوھری سلاحءِ چکاسگءِ ترانگ ھم یے کورٹ دیگ بیتگ۔سرین پراسیکیوٹر'لوئیس مورینو اوکمبو' و آئیءِ چيئر دست 'فتو بن سودا'ءِ سرا دیم داتگین کاگدءَ 'بلوچانءِ امریکائی دوست' نتظیمءِ سروک واجہ احمر مستی خان و 'شمالی امریکاءِ بلوچ سوسائٹی'ءِ سروک داکٹر واحد بلوچ پاکستانی فوجءِ سرا ڈوبہ جتگ کہ آوان گوستگین 60 سالان پنچ فوجی آپریشن کتگ، ھزاران بے میارین مردم کشتگ انت و بلوچانءِ خلافا نسلی فرقگزاری کتگ۔
یے کاگدءِ نقل امریکائی سنئٹر 'جوزف بئڈن'، 'رچرڈ لوگار' و مان افغانستان میان استمانی فوجءِ کماندار جنرل 'ڈئوڈ مک کرنن'ءِ سرا ھم دیئمش داتگ اَنت۔ آنلائن
هیچ نظری موجود نیست:
ارسال یک نظر
وتی کلوا چێرا نبیس إت