اے کاگد انگریزی زبانا مئے دستا کپتگ و ما وت بلوچیءَ ترّینتگ۔
19 جولائیءَ پاکستانی سرکارا سوئیءِ مغربی نیئمگا 25 کلومیٹر دیر ڈیرہ بگٹی دمگءِ اوچ، کولپر پٹ و سری دربار میئتگانءِ سرا یک مزنین فوجی یورشے آرت۔ بلوچ سرمچاران 12 کلاک گون اِشان دیم پہ دیم جنگ کت۔ بازین فوجیانءِ کشگا چہ رند سرمچار شت اَنت۔ مرتگین فوجیانءِ توکا مئجر، کرنل و دگہ مزنین اَفسر ھور اَنت۔ سرمچاران فوجیانءِ بازین سلاح ھم آوار جتگ اَنت۔
پشت کپتگین فوجیان وتی زھرانءِ درشان کنگا بزگین بگٹی عوامءِ سرا یورش برتگ۔ گون وتی دراجین ریشان کہ گشئيگا پنچ وھدءِ نمازی اَنت، لوگ پہ لوگ شت اَنت و بزگین بگٹیان کشان کت أنت۔ پدا آوانءِ لوگش سوتک اَنت۔ دوازدہ بزگین مردین آدم چہ یک میتگےءَ دستگیرش کت انت۔
چار روچ گوستگ و اَنگت فوجیانءِ دل خالیگ نہ بیتگ۔ دراج ریشین فوجیان لهتے مردمانءِ دپان تفنگان گلو داشت اَنت و تیرش جن اَنت۔ تنے وھدی 200 بگٹی کنب چہ وتی میئتگان در روگا مجبور بیتگ اَنت۔
یے فوجی یورشا امریکاءِ اڈ کتگین ھلی کاپٹر کارمرز بیگا اَنت و ھمشانءِ سرا سراماد کنوکین گئس میئتگان ریئچگ بیگا اَنت۔ ھر کلاکءِ توکا 10 ھلی کاپٹر پہ تیل مان کنگا مان سوئی بالی پٹّءَ نندگا اَنت۔ پیسرا یے بالی پٹّءَ شپان روشنائی نہ بیتگ۔ لھتے روچ اِنت کہ شپان روکین بتـّی ھم گندگ بیگا اَنت۔
24 جولائیءَ پاکستانی فوجءَ سوئیءِ 'محمد سٹریت' و 'موسم سٹریٹ' نامین سڑکانءِ سرا ھستین لوگ یک پہ یک پٹاست اَنت۔ چک، جنین آدم و کماشانءِ عزتش لگتمال کت اَنت۔ ھوریا 89 بے میارین مردمش دستگیرکت و سوئی کنٹونمنٹءِ توکا لٹ کٹ کنگءِ جاہءَ رسینت اَنتش۔ چہ ھمشان 7 کس 27 جولائی ویلش کت اَنت۔ وھدے کہ یے آتک اَنت، سربتگ تنت و ٹپ ٹؤر تنت؛ اِشانءِ بدن گون تیزین کارچان پچ بُرّتگ تنت۔
چہ راجانءِ ھورین گل (یو ان) بلوچ دستبندی کنگا اَنت کہ پاکستانی فوجءِ دستا بلوچ عوامءِ قتل عامءِ دیما بہ داریت و فوجی یورشءِ آماچین ھندان مردم دیم بہ دنت و بہ چاریت کہ پاکستان چے ڈولین ناھودگین کنگا اِنت۔
حال دیوک: ملک بگٹی
هیچ نظری موجود نیست:
ارسال یک نظر
وتی کلوا چێرا نبیس إت