مروچی؛ برابر گون 9 جولائی 08 مان ترکیءِ شھر اِستنبل اَمریکاءِ سفارتءِ سرا ٹرورسٹانءِ یک یورشےءَ سفارتءَ پانگین 3 پولیس و 3 حملہ کنوک کشگ بیتگ اَنت۔
شنگ بیتگین حالانءِ ردا سفارتءِ دیما چہ یک سواری گاڑیےءَ 3 کس اِیرکپتگ و پانگین پولیسانءِ گورا شتگ اَنت۔ چہ ھمشان یکےءَ تفنگ کشِـّتگ و یَکـّے چہ پولیسان شوٹ کتگ۔ چہ اِشی رند پولیس و حملہ کنوکانءِ نیاما تیر جنگی بندات بیتگ و تا 15 دمان برجاہ مانتگ۔ تیرجنگیءَ سئین حملہ کنوک و دو دگہ پولیس جنگ بیتگ اَنت۔
چارمی کس کہ چہ گاڑیءَ پہ بیھا اِیر نہ کپتگ؛ گون گاڑیءَ تتکگ و پولیس آئیءِ شوهازیگ إنت۔ آنلائن
هیچ نظری موجود نیست:
ارسال یک نظر
وتی کلوا چێرا نبیس إت