فرانسءِ ٹوٹال کمپنیءَ مان اِیران سرمایہ جنگا چه دست کشّ اِت

فرانسءِ مزنین اِنِرجی کمپنی ٹوٹال اِیرانءِ نِزورین سیاسی جاورانءِ سببا اودا گيئشتر سرمایہ جنگا چہ دست کشّ اِت۔ قرار بیتگ کہ ٹوٹال جنوبی فارسءِ گسءِ چاتان بازین مرمایہ خرچ بہ کنت۔

اِے کمپنیءِ کماشےءَ گـُشتگ: مروچان مان اِیرانءَ سرمایہ کاری کنگءِ سیاسی خطر بے حساب اَنت۔ اَگر ما اودا سرمایہ کاری کت، گڈا مردم مارا شگان جَن اَنت و گش اَنت ' ٹوٹال پہ زرّا ھرچے کنت'۔

چؤ کہ جاہ کئت زی (چارشنبہءَ) اِیرانءِ نیمگا شھاب 3 راکٹانءِ چکّاسگا چہ رند ٹوٹال اِے فیصلہ کتگ۔ اِیرانی حالتاکان نبیستگ اَت کہ اِے راکٹ چہ اِیران فائر کنگ و اِسرائیلءَ جَنـَگ بیت کن اَنت۔ زانوگرانءِ خیالا ٹوٹالءِ دست کشـّگ پہ اِیرانءِ ھنوگین رژیم یک زنڈین تاوانے اِنت۔

چہ فارس جنوبیءِ پڑا دَر کـُتگین گسءَ اِیران پاکستانءِ راہءَ ھندوستانءَ دیگا واهوک بیتگ و پہ اِے مقصدءِ پیلو کنگا آگستءِ ماہءَ یک قرارے اِیران، پاکستان و ھندوستانءِ نیاما سائن کنگءِ چن لانچ بیگا بیتگ۔ بلوچی نیوز