ڈیرہ بگٹیءَ عوامءِ سرا برتگین نوکترین پاکستانی فوجءِ یورشءِ خلافا نشنل پارٹیءِ صدر عبدالحئی سرکار اِیئر جتگ و گشتگ کہ ھنوگین سرکارا چہ پیئسریءَ ھچ فرق نیست اِنت۔ اَنگت گون ھنوگین واکدارانءِ آیگا فوجی آپریشنءِ توکا تیزی آتکگ و اِے واکدارانءِ زبان ھم بلوچانءِ خلافا تھل تر اِنت۔گارین مردمان درگيئجگءِ درگتا داتگین قولانءِ پیلو کنگءِ بدلا اَنگت گیئشتر مردم گار کنگ بیگا اَنت۔ بلوچستانءِ سرجمین دمگان بلوچ لوگانءِ سرا یورش برگ بیگا اِنت و لوگانءِ ستر پروشگ بیگا اَنت۔ ڈیرہ بگٹیءَ بلوچانءِ لوگ ماندارگ بیگا اَنت و مردمانءِ قتل عام بیگا اِنت۔ اِنتخاب
انتخابءَ یک دگہ رپورٹےءَ آتکگ کہ ڈیرہ بگٹیءِ سرا نوکترین یورشءِ خلافا بلوچ رپبلکن پارٹیءِ سرین منشی داکٹر بشیر عظیمءِ سر کشّیءَ مان کوئٹہ یک مظاھروے بیتگ کہ بھر زیروکان سرکارءِ خلافا نعرہ جتگ۔
اَنجمن اِتحاد مریءِ کسانسالین کفن پوشان ھم یک ظاھریے داتگ و سرکاری زوراکیانءِ خلافا کوکار جتگ۔ اِے مظاھروا بلوچستانءِ بیرک ھم ٹال کنگ بیتگ اَنت کہ برزا داتگین عکسءَ گندگ بیگا اَنت۔
بلوچ رپبلکن پارٹیءَ وتی یک بیانےءَ گشتگ کہ آ ھچبر چہ سرکارا آپریشنءَ بند کنگءِ لوٹا نہ کنت، پرچا کہ آ اِے سرکارا یک زؤر گرے لیئکیت، اَلبت بی آر پی میان اُستمانی راجان چہ پاکستانءِ زوراکیان سرپد کنگءِ جھدا ضرور کنت۔
ڈیرہ بگٹیءِ سرا فوجی آپریشنء توکا نوک بندات کتگین تیزیء خلافا دگہ بازین گل و ٹولیانءِ مجرمانہ خاموشیءَ سرا بازین بلوچ آوانءِ بلوچدوستیءِ باروا وڑ وڑین سوال کنگا اَنت۔ و ھمے ھم شک ظاھر کنگ بیگا اِنت کہ چہ مرکزی سرکارا رستگین دادان نواب اَسلم رئیسانی آ ھم شریدار کتگ اَنت۔ بازینے چہ ھمشان ھمے زر زرتگ انت و درین ملکان سئیل سپاھا دراتکگ انت۔ عکس چہ آساپ۔
هیچ نظری موجود نیست:
ارسال یک نظر
وتی کلوا چێرا نبیس إت