اِیرانءِ نوکین پارلمنٹءِ توکا زاھدانءِ نمایندہ حسینعلی شھریاری گشتگ: مدامی ڈولا پاکستان چہ سراوان دوزگ و یرغمالین کتگین اِیرانی پاسدارانءِ درگتا ھم گون ما ھور کاری نہ کنگا اِنت۔ ریگیءِ براتءِ دستا آرگا بازین چکّ تانءَ رند و مشرفءِ جندءِ دستمانجیءِ برکتا ما سوبین بیت اِنت.
جنداللہءِ دستا یرغمالین پاسدارانءِ باروا شھریاری گشتگ: دل اَڈی دیوکین ھچ حال تنے وھدی مارا نہ رستگ۔ من اِطلاعات و توکی جاورانءِ وزارتءِ گپان پروشگ نہ لوٹان، اَلبت منی وتی جھدانءِ برکتا رستگین حال پہ بژن پیش دارگا اَنت کہ دو تا چار کس چہ اِیرانی یرغمالان یاگیانءِ دستا شھید کنگ بیتگ اَنت۔ ریاکاران نیوز
.
اِیرانی واکداران وتی مردمانءِ زوال بیگ و مخالفانءِ سوبینیان چئیر دیگءِ سِلـّین عادت ھست اِنت۔ راستی إش إنت که جنداللہءِ وتی داتگین بیانان آتکگ کہ آوان شش کس کشتگ اَنت و ششین کسانءِ نام ھم شنگ کتگ اَنت، بلے سرکاری واکدار اَنگت نہ منـّگا اَنت۔
هیچ نظری موجود نیست:
ارسال یک نظر
وتی کلوا چێرا نبیس إت