زی صحبا مان تھران درتکگین مردمان دو بلوچ ھؤر بیتگ اَنتزی مان اوین بندیگجاہ تھران درتکگین 30 مردمانءِ نام و نشانان پیئش دارگا اَنت کہ چہ اِشان دو کس بلوچ بیتگ اَنت۔ عبدالرضا شہ بخش و سھراب کمال زھی نامین بلوچانءِ سرا ڈرگ بھا کنگءِ ڈؤبہ جنگ بیتگ اَنت۔
حالان نبیسگ بیتگ کہ شہ بخش 1505 کیلوگرام تریاک و 176 کیلوگرام ھیروئین و مرفینءِ واھند بیتگ، و کمال زھی سلاحبندین مواد پروشانءِ کاروانےءِ باسک بیتگ کہ اِشان ھزاران کیلوگرام تریاک و مرفین برتگ۔
جنداللہ چہ وتی بندیگان دگہ دوکس کشتگ
جنبش مقاومت مردمی ایران (جنداللہ) وتی بیانےءَ گشتگ کہ آوان چہ وتی دستا بندیگین اِیرانی پاسداران دگہ دو کس کشتگ۔ اِشان کوشارینگءِ زمّواری سرکاری واکانءِ چکـّا جتگ اَنت و گشتگ کہ سرکارءَ داتگین مھلتءِ توکا بندیگین بلوچ کہ پہ آوانءِ آزادیا جنداللہ لؤٹ کتگ، سرکارءَ آزاد نہ کتگ اَنت۔
گوستگین جعمہءَ علی خیدہ و علی زارعی نامین یے دوئین پاسدارانءِ کشگا چہ رند جنداللہ دستا کشگ بیتگین بندیگانءِ حساب 8 کس بیت۔ جنداللہ گشتگ "اَگر آوانءِ لؤٹ پیلو کنگ نہ بیت اَنت، دو ھفتگءِ سرجم بیگا پشت کپتگین 8 کس ھم گشگ بنت"۔
هیچ نظری موجود نیست:
ارسال یک نظر
وتی کلوا چێرا نبیس إت