بلوچستانءِ راجی زرمبشءَ حال داتگ کہ آوانءِ دو روچی کنفرانس تیرماہ 1387 (جولائی 2008) پہ گيئگ سرجم بیتگ۔ یے کنفرانسءِ تھا بلوچستانءِ راجی زرمبش و جمھوری اسلامی ایرانءِ زؤراکین رژیمءِ نارواییانءِ سرا گپ تران بیتگ۔
کنفرانسءَ 'بلوچ راجءِ حق تعیین سرنوشت' راہءَ شرترکنگا لھتے گام چست کنگءِ شئور بستگ کہ اِشان توکا بلوچستان ٹلوژن چئنلءِ بندات کنگ، یک تاریخی بیرکے گچیئن کنگ و دیئما آرگ، یک کمیٹیے ٹھینگ کہ بلوچستانءِ توکا انسانی حقانءِ لگتمالیان جھان دیما پاشک بہ کنت، راجی جھدا دیئما بروکان تپاک و یکجاہ کنگ و گون دنیاءِ دگہ راجانءِ سیاستکاران، سرکاران و پارلمنٹان رابطہ گرگ، ھؤر اَنت۔
کنفرانسءَ گڈسرا گون نوکین شئور بندیان ھمرد بنجاھی کمیٹیءِ نوکین باسک گچین کتگ اَنت۔
بلوچی نیوز ٹیم راجی زرمبشءِ باسکان و نوک گچیئن بیتگین مرکزی کمیٹیءَ مبارکبادی دنت و اُمید کنت کہ پہ نیئکین لوٹانءِ پیلو کنگا عملی گام چست کن اَنت۔
هیچ نظری موجود نیست:
ارسال یک نظر
وتی کلوا چێرا نبیس إت