نشنل پارٹیءَ مان کوئٹہ یک رالیے کشـّتگ و لؤٹ کتگ کہ ڈیرہ بگٹیءَ فوجی یورشءِ دیما دارگا ناکام بیوکین و خان قلاتءِ جرگهءَ پہ بلوچانءِ پانکجنیءَ سوگند وروکین واکدار استعفا بہ دے اَنت۔ چہ نشنل پارٹیءِ کاگسءَ دراتکگین رالی اوارین ھندان گوزان کوئٹہ پرئس کلبءِ دیئما آسر بیتگ۔ بھر زیروکان ڈیرہ بگٹی و کوھلوءَ فوجی یورشءِ خلافا نعرہ کوکار جتگ و لؤٹ کتگ کہ رسگا چہ آ ھندان فوج در کنگ بہ بیت۔
گون مچّیءَ تران کنگا جان محمد بلیدی گشتگ کہ یک رندے پدا بلوچستان گون مشکلان دیم پہ دیم اِنت و اؤدا تیر و توپانءِ دِرَد گوارینگ بیگا اِنت۔
جان محمد بلیدی گيئش کتگ: ملک (پاکستان) چار راجانءِ ملک اِنت، بلے بلوچستانءِ مڈ ّیان ھُول کنگا چہ رند بلوچءِ ونڈا آوانءِ چوریگانءِ جسد آتکگ اَنت۔
آئی دیئمترا گشتگ: ق لیگءَ وا گون کسا ھچ دوستی نہ اَت، بلے چہ ھنوگین واکداران مردمان امید اَت کہ بے میارانءِ سرا ثبتین کیئسان دیر کن اَنت و گارین بندیگان درء گيئج اَنت، و آزاد کن اَنت؛ افسوز کہ نوکین سرکارءَ ھم نوکرشاھیءِ دیئما زؤنڈ جت انت و جُکِـّت۔ انتخاب
هیچ نظری موجود نیست:
ارسال یک نظر
وتی کلوا چێرا نبیس إت