مان کوئٹہ پریس کلبءِ دیما شد کـَشّیءَ نندوکین بلوچ وانوکان شور بستگ کہ چہ آوان قمبر بلوچ و خورشید بلوچ نین شُـد کـوشی کن اَنت۔ اِسٹوڈنٹ اَکشن کمیٹیءِ چيرمن واجہ قمبر بلوچ زی حالکارانءِ دیما اِے جار پرّینتگ۔قمبر گشتگ کہ آئی ٹی نیورسٹیءِ رھبند ناروا اَنت و پہ بلوچ وانوکان تاوان اَنت۔ واجہ قمبر گيئش کتگ؛ مارا چار ماہ اِنت کہ یکـّوئی شکایت کنگا اِنت و وتی پریات هرجاه بُرتگ، بلے کسے دلگوش گور نہ کنگا اِنت۔
بلوچستانءِ یونیورسٹیءَ چہ پاکستانءِ دگہ ھندان وانوک 'میرٹ'ءِ سرا زیرگ بیگا اَنت۔ اَصلا آدگہ پھکین صوبھان بازین یونیورسٹی ھست اِنت، آنگـُـرءِ وانوک ھمودا وانت کن اَنت، البت بلوچستانءَ یکـّین آئی ٹی یونیورسٹی اِنت۔ اِے اَگر چہ دَرینان پُرّ کنگ بہ بیت گڈا بلوچ وانوکان ھچ موہ نہ رسیت۔
' ما لوٹ کنگا اِنت کہ پہ بلوچستانءِ وانوکان 'کوٹہ' (ونڈ) گيشینگ بہ بیت و تنا وھدی مئے اِے لوٹ منـّگ نہ بیت، ما چہ شـد کوشیءِ پـَتـّرءَ چست نہ بی اِنت' قمبر بلوچ گشتگ۔
بی اِس او (پجّار)ءِ سروکان و بی اِس او (آزاد) شالءِ ترجمانءَ ھم وتی بیانان آئی ٹی یونیورسٹی کوئٹہءِ کماش اِیرجتگ اَنت و شد کوشیءَ نندوکین وانوک ستا داتگ اَنت، و آوانءِ لوٹانءِ پلانگری زرتگ۔ بلوچی نیوز رپورٹ
هیچ نظری موجود نیست:
ارسال یک نظر
وتی کلوا چێرا نبیس إت