تنباک شرّ انت، بلے یوکا پہ ھماوان کہ مغزان کار بند انت

برطانیائی یونیورسٹیےءِ پٹـّاسکار یک نوکین آسرگریءَ رَسِتگ اَنت کہ تنباکءِ کشگ پہ مغزانءِ کاربندوکان فایدہ اِنت و آوان مغز شرتر کار کن اَنت۔

مان 'کِنگز کالج لندن' سرجم کتگین پٹاسکاریےءِ آسری حالان إشان گشتگ کہ تنباکءِ کشگ مردمانءِ ترانگان 5٪ گيئش کنت و مردمانءِ دلگوش شرتر وتی جاگھا دار اَنت۔

پٹـّاسکاران لھتے جانورانءِ سرا تنباک (نکوٹین) چکـّاستگ۔ ھما جانور کہ نکوٹین دیگ نہ بیتگ اَنت آوانءِ یاداشت 80٪ بیتگ و دلگوشِش رسگا ٹگلینگ بیتگ اَنت۔ اَلبت نکوٹین وروکانءِ ترانگ 85٪ بیتگ و اِشانءِ دلگوشان ٹگلینگ آسودگ نہ بیتگ۔

.

تنباکءِ پیسری تاوان کہ زانگ بیتگ اَنت، وتی جاگها ھست اَنت و اَنگت ھم پٹاسکاران شور داتگ کہ چہ تنباکءِ کشـّگا وتا بہ رکـّين اِت۔ یوکے ھیلت رپورٹ۔ بلوچی نیوز