مغربی بلوچستان: چہ سرکاری حالجاھان زرتگین نوکترین حال

اِیرانءِ سرکاری حالرسینوکین اِدارہ 'اِرنا'ءَ شنگ بیتگین حالےءِ ردا دو گاڑیانءِ ڈیک ورگءِ سببا 4 کس کشگ و 3 ٹپـّي بیتگ اَنت۔ اِے کپت چہ اِیرانشھر دیم پہ بمپورءِ راہءَ مروچی (یکشنبہءَ) کپتگ۔ ٹپـّی مان نادراھجاہءَ دوا درمان بیگا اَنت۔

مان زاھدان گمشادزھی و سارانی ٹکان صحل کتگ۔ نبیستگین حالا آتکگ کہ دوئین ٹکـّان نیاما خونے کپگءِ سببا دیریگینے دشمنی بُندات بیتگ۔ دوئین ٹکــّانءِ مردم پہ صحل کنگا مان مکـّی مسیت زاھدان برجم بیتگ اَنت۔ و اِشی اِیرانی اِدارہ اِنصافءِ مردمان سرکشّي کتگ۔ صحلءِ اَولی بَروَرد مردمے کشگءِ ڈوبھا مان بندیگجاہءَ په پاھوءَ وداریگین بندیگےءِ سزاءِ خلاص بیگ اِنت۔

چہ اِیرانشھر یک دگہ حالےءَ اِرنا چہ سرھنگ شاھپور کاظمی نامینےءَ نقل قول کتگ و نبیستگ: پولیسءِ دستا مان اِیرانشھرءِ نزیکی میتگ 'نوکجو' کلّ کتگین یک ھزار و یکصد کلوگرم تریاک مروچي (یکشنبہءِ) بامگاھا گرگ بیتگ و دو کس اِے ردا دستگیر کنگ بیتگ اَنت۔