مکرانءِ زربارءِ نزیگا مان بلوچستانءِ زرءَ چہ مردمان پُرّین یک کشتیے مان زرءَ پچ لیئٹتگ و اِشی سرا سوارین مردم آپءَ کپتگ اَنت۔ آپءِ توکا کپتگین مردمان 10 کس رکـّینگ بیتگ اَنت، بلے آدگہ 20 کسانءِ نیاما 15ءِ لاش رستگ اَنت و اَنگت 5 کس گار اَنت۔ ھمے ترس اِنت کہ گارین ھم بیران بیتگ اَنت۔
یے کشتی چہ جیوانی چیزے کلومیٹر دیر اِیرانی واکانءِ ھند بریسءِ نزیکا پچ لیئٹتگ۔ کشتی سوار کتگین پٹان و پنجابیان دبئیءَ برگا بیتگ۔ روچتاک توار
عطاءُاللہ مینگلءَ پاکستانءِ صدر جوڑ کنگءِ حبر
پاکستانی حالتاکان زی یک حالے شنگ کتگ کہ پاکستانی صدر مشرفءَ دیر کنگءِ چن لانچا کنگا اَنت و آئیءِ جاگہءَ سردار عطاءُاللہ مینگلءَ پاکستانءِ صدر نِندارینگءِ ارادہ اِنت۔
بازین کس یے حبرا ھنچنائین افواھے لیئکگا اَنت، بلے چہ سردار عطاءُاللہءِ نیئمگا ھچ نہ گشگ ھمے پیئش داریت کہ داتگین حبر چہ آسمانءَ نیاتکگ۔
هیچ نظری موجود نیست:
ارسال یک نظر
وتی کلوا چێرا نبیس إت