سال 2008ءِ اولمپک لئیب 24 آگستءَ سرجم بیت اَنت۔ یے لیبان لھتے ملک اول بر اِنت که برندہ بیتگ اَنت و دادِش رَسِتگ۔ دگہ لھتیان بازین دادانءِ بَرَگا وتی پیسری رکارڈ پرؤشتگ اَنت۔ یے درگتا خاصین نقطہ چيئرا داتگ اَنت۔
چہ پھکین ملکان گيئشتر داد بروکین ملک چین بیت کہ 51 طلائی ٹکـّان گون ھور 100 ٹکّ برتگ۔ امریکاءَ سرجمیءَ 110 ٹکّ رستگ، بلے طلائی ٹکّ 36 اَنت۔ روس گون 23 طلائی ٹکـّانءِ برگا سئمی ردا آتکگ۔
برطانیاءَ لئیبیان گون 19 طلائی ٹکـّان ھور 47 برتگ کہ چہ 1920ءَ رند اولمپک لئیبان گپتگین دادانءِ مزنترین حساب اِنت۔ جرمنی 41 برتگ کہ اشانءِ نیاما 16 طلا اَنت۔ آسٹریلیا 14 طلا، جنوبی کوریا 13 طلا و جاپان 9 طلا گپتگ۔
افغانستان وتی تاریخ اولی داد کہ تاسءِ ٹکـّے اِنت؛ گپتگ۔ ھمے ڈولا بحرین گون طلائی ٹکـےءِ گرگا وتی نام داد بروکانءِ تاریخءَ ثبت کنائینتگ۔
ایرانءَ دو ٹکّ رستگ اَنت و ھندوستانءَ سئے۔ دوئین ملکان یک یک طلائی ٹکـّے برتگ۔ البت پاکستان چَٹا زبھر بیتگ۔
هیچ نظری موجود نیست:
ارسال یک نظر
وتی کلوا چێرا نبیس إت