بی آر اےءِ گوانکو سرباز بلوچ حالکار حال داتگ اَنت کہ آوانءِ مردمان نصیر آباد دمگءَ میر حسن پٹ فیڈر شھرءَ پاکستانی رستگاری واکانءِ یک بُنجاھےءِ سرا گون تیر و توپان یورش برتگ و شش فوجی کشتگ اَنت۔ مرتگینان چہ بید 10 کس ٹپـّيگ کتگ اَنت۔ یک دگہ گامگيجےءَ بی آر اے زین کوہ ھَندا قدرتی گئس کشگءِ یک چاتے گون شوروانءِ تراکینگا خراب کتگ۔ آساپ
نوک اڈ کتگین بلوچ یومئن رائٹس کونسلءَ وتی یک حالتاکی بیانےءَ مان تربت بلوچ مچّیءِ سرا پاکستانی فوجءِ تیر گواری ایئرجَتــَگ۔ و چہ بلوچستانءِ سرکاری واکان دستبندی کتگ کہ آ بلوچانءِ سرا زوراکیانءِ دیما دارگا جھد بہ کن اَنت۔ ھوریءَ چہ انسانی حقانءِ پانکجنوکین میان استمانی ھوربندان دستبندی کتگ کہ آ پاکستانی فوجءِ ناروائیان ایئر بہ جن اَنت۔ حالتاکی بیان
مان تربت فوجءِ دستا شھید بیتگین الطاف بلوچءِ کھولءِ مردمان گشتگ کہ آ پھر بند اَنت کہ پہ بلوچانءِ حقان شھید بیتگینانءِ لڑءَ الطاف ھم ھؤر بیت۔ آساپ
آنگو نواب بگٹیءِ شھادتءَ رند خان قلاتءِ سروکیءَ برجم داشتگین جرگہءِ سروکین مردمانءِ شیران مَکِسکے کپتگ و دو روچ اِنت کہ حالتاکان وتی داتگین بیانان یکا دگرا ایئر جنگا اَنت۔ اشانءِ بیان بازی وھدے بنگیج بیت کہ خان قلاتءَ وتی بیانےء آصف علی زرداری سک ایئر جتگ ات و بلوچستانءِ ھنوکین سرکارءِ کماش نواب اسلم رئیسانی، نواب ذوالفقار مگسی و سردار ثناؤاللہ زھری شئور داتگ تنت کہ آ چہ واکداریءَ یک کرّ بہ بنت۔ آساپ
هیچ نظری موجود نیست:
ارسال یک نظر
وتی کلوا چێرا نبیس إت