سنـّی مدرسہ و یا مسیتءِ ناما مان زابل تلپین ماڑییےءِ پرؤشگءِ سبب شہ یعقوب مھرنھادءِ شھید کنگا رند چست بیتگین بلوچ جُنزءَ توسینگ اِنت۔ پچیاکہ مھرنھادءِ شھید بیگا رند بلوچ ورناوانءِ دلگؤش شہ مذھبی کٹـریءِ کورچاتءَ در کپگا لگــّتگ و راجی فکر ردوم زیران اِنت۔
.
جمھوری اسلامیءِ کاسگءَ چٹـّؤکین ایرانءِ سنـّی ملا وتی پاگءَ ھَرُجَگا گندگا اَنت چمشکا 'ابوحنیفہ' مدرسہءِ ناما گون ایرانی چاریگان یک ھؤرین ڈراموے بُنداتش کتگ۔ آوان زانگ لؤٹیت کہ ویبلاگی گپانءِ نبیسگا بلوچ ورنا نین گلائینگ بیت نہ کن اَنت۔
بلوچ راجءِ دیندارین پُسگ سرپد اَنت کہ گون ایرانیان آوانءِ جنگ مذھبی نہ اِنت؛ سیاسی، علمی و اخلاقی اِنت۔ بلوچ آدگہ ایرانیانءِ کـَشا یک ھمبلـّین راجےءِ حسابا وتا دارگ لؤٹ اَنت و دگرےءِ دستءِ چيئرا زند گوازینگءِ واکِش ھَلِـّتگ۔ پہ وتی وتواجھیءَ مروچی بلوچ ورنا بے ترس و بیم زوراکین واکدارانءِ دیئما اؤشتاتگ أنت، نے کہ پہ بے علم و شعورین جاھلانءِ پوستگین لیئکوانءِ زندگ دارگا۔
ھمنچوک زودتر فسادی ملاّ یے راستیءَ بہ مار اَنت پہ آوان و بلوچ راجءَ شرتر اِنت، اگر نہ ایرانی رژیمءِ واکدارانءِ رکارڈ پیئش داریت کہ شہ وتی پاگان گيئشتر وتی کاسگچٹـّان مٹـّين اَنت۔ و پیئسریگان پہ زندگ بیگا پَشت نہ گيئج اَنت۔
.
ضروری اِنت کہ سارین بلوچ یعقوب مھرنھادءِ کشکءَ گران دیما کنزان بہ کن اَنت۔ ھمے شھید ھما پُل اِنت کہ شہ سندگ بیگا رند ھم وشین بوئی پہ جھانیانءِ ھوشانءِ سار کنگا تالان اِنت و دنیاءِ مردم پہ بلوچستانءِ سرا بیتگین زؤراکیانءِ خلافا توار چست کنگا وتی دؤتکگین دپان یک یکا پچ کنگا مجبور کـُت اَنت۔
هیچ نظری موجود نیست:
ارسال یک نظر
وتی کلوا چێرا نبیس إت