سوئدءِ بنجاهی شهر استکهلمءَ بلوچستانءِ نمیرانین سرمچار ءُ نوکین نسلءِ حقانءِ پد جنوک ءُ سروک؛ صدای عدالت جوانان بلوچستانءِ پاگواجه شهید یعقوب مهرنهاد ءُ شهید عبدالناصرءِ یادا پرسی دیوانے برجم دارگ بوت.دیوانءِ برجم کنوک واجه محمد زین الدینی سوئڈئی زبانءَ دیوانءَ آیوک وش آتک گشت انت، پدا شهیدانءِ باروا تران کـُت. آئی شری سرا ایرانءِ اسلامی جمهوری رژیمءِ هونوار، انسان و انصاف دشمنین حکومتءِ بلوچ راجءِ نسل کـُشی عمل ڈوبارإت أنت.
یے دیوانءَ ابید چه بلوچان سوئڈنءِ وزارت خارجهءِ نمایندوا بهر زرت ءُ سوئدءِ سرکارءِ نه وشیءِ توار گون بلوچانےءَ ھؤر کت. هنچوش یکے چه کردستانءِ تنظیم -کوموله ءِ نمائندوا وتی نه وشیءِ جار پرّیئنت.
بانوک منیرءَ گون وتی شیرکنین گٹ ءُ دلسؤچین گریوگانءُ هیسکارگان دیوانءِ تب مٹــّينت، ءُ بازینے چه دیوانءِ مردمانءِ چم ارسیگ کت اَنت.
دیوانءَ نمیرانین یعقوب مهرنهادءُ آئیءِ همراه شهید عبدالناصر طاهریءِ کهول ءُ عزیز چه دلانءِ جهلانکیان تسلیت گشت أنت ءُ وتا اش گون یے غم ءُ اندوهان شریدار زانت! رپورٹ:بلوچ ءِ گوانک۔
چہ بلوچی نیوزءِ نیمگا لهتے گال پہ نبشتاکء واناکتر کنگا مٹـّینگ بیتگ انت۔
هیچ نظری موجود نیست:
ارسال یک نظر
وتی کلوا چێرا نبیس إت