بلوچ رپبلکن پارٹیءِ آرگنائزنگ کمیٹیءِ باسک و یکے چہ بلوچ نشنل فرنتءِ راھشونان؛ واجہ عبدالقادر قلندرانی گشتگ کہ چه مشرفءِ رَوَگا بلوچ نہ شاد اَنت و نے کہ پدرد. مشرفء یک گوئـر بیگءِ سببا بلوچانءِ جھدءِ توکا هچ فرق نه یئیت، چیاکہ پاکستانءِ توکی سیاسی بدلیان پہ بلوچان ھچ معنا نیست اِنت۔
واجہ قلندرانی گيئش کتگ: نواب اکبر شھباز بگٹی و 'شھیدءِ انقلاب نوابزادہ بالاچ مری'ءَ مزاحمتی زرمبش پہ مشرفءِ تاچینگا بنگیج نہ کتگ اَت۔ ھمے ڈولا گوریلا کمانڈر میر براھمدغ بگٹی و دگہ مزاحمتکار پہ مشرفءِ دیر کنگ و آئیءِ جاگہءَ دگرےءِ آرگا وتی سران کفن بستگ وجنگا نه اَنت۔
قلندرانی وتی گپ چؤ سرجم کتگ: ھچ کس رد مہ وارت کہ گون نوکین صدرےءِ آیگا مزاحمتی جنگ اوشتیت۔ بلوچانءِ جنگ گون ریاستءَ اِنت۔ ھمے ریاستی طوقءِ دیرکنگا گرانبھائین شھیدان وتی جان و مال قربان کتگ اَنت و نمیران بیتگ اَنت۔ آساپ
هیچ نظری موجود نیست:
ارسال یک نظر
وتی کلوا چێرا نبیس إت