رند چہ مشرفءِ یک گـُوَر بیگا پاکستانی سیاستکار تچ تاچا اَنت کہ آئیءِ جاگہءَ دگرے بہ نندارین اَنت۔ یے ردا ھر گل وتی وتی دلپسندین مردمءِ ناما دیگا اِنت۔ لھتے چہ یے نامان بلوچان نہ اِشکتگ اَنت۔ البت ھما مردم کہ آوانءِ باروا ما زان اِنت داکٹر عبدالقدیر خان، محمود خان اچکزئی و مئے وتی سردارعطاءاللہ مینگلءِ نام ھؤر اَنت۔مئے سردار صاحبءِ نام پیئسر چہ مشرفءِ یک گـُوَر بیگا ھم لھتے حالتاکان پہ آیوکین صدرءَ شنگ کتگ اَت۔ البت باز کسانءِ خیال اَت کہ آ ھنچین خبرے اَت؛ تورین بلّی مئے تبصرہ ردا ھنچین خبر چہ غئیبا نہ کا اَنت۔
مئے تبصرہءَ گون همرد زی پنجابءِ مزنترین سیاسی گل پاکستان مسلم لیگ -نوازءِ سروک نواز شریف وت محمود خان اچکزئی کہ پھک زان اَنت سردار عطاءاللہءِ شرّین سیاسی سنگتے اِنت، و سردار صاحبءِ جندءِ نام پہ پاکستانءِ آیوکن صدرءِ ذمواریانءِ زیرگا چہ وتی پارٹیءِ نیمگا پیئش کتگ اَنت۔
یک رندے پدا سردار صاحب ھچ گشگا نہ اِنت۔ اشیءِ بدلا مئے واجہ مشرفءَ کورٹ و قاضی کنگا دلمانگ اِنت۔ تورین بلّی برطانیا و امریکا مشرفءَ وتی ملکان پہ مدامی جاہ منندیءَ دعوت داتگ۔ بلوچی نیوز
هیچ نظری موجود نیست:
ارسال یک نظر
وتی کلوا چێرا نبیس إت