یے نبشتانک مھتاک بلوچیءَ مئی 2008ءَ شنگ بیتگ۔ البت پہ اشیءِ واناکتر کنگا باز بدلی آرگ بیتگ اَنت۔ بلے خیال داشتگ کہ اصلی سرحال چہ دستا مہ لکوشیت۔ نوک باھندین بلوچی نبیسوکان یے نبشتانکا گون اصلیءَ دیم پہ دیم کنگا باز رھشونی رست کنت۔ بلوچی نیوز ٹیم
گش اَنت کہ چُک قومءِ میراث اَنت۔ ملکےءَ وھدے چُکـّے ودی بیت، گڈا آ ملک پہ آئیءِ علاج و آ دگہ تمامین آسراتیان کاریت؛ دات۔ آئیا چہ دراھین مصیبتان رکّینگءِ جھدا کنت، وانینیت، مزن کنت و کاریت یک شرّین شخصیتے جؤڑ کنت۔ ملکےءَ کہ ما نشتگین پاکستان ئی گش اَنت و پاکستان وتارا اسلامءِ مزنین قلاتے گُشیت۔ ادا پہ بلوچءِ چکّءَ چہ مصیبتان رکّینگا ھچ وسیلہ نیست۔ ودی بیتگین چکّ اگر خداءَ چہ نادراھی و دگہ مصیبتان رکّینت اَنت وَ شر، اگر نہ ملکءِ حاکمانءِ گوَرا پہ آئیءِ رکّینگا ھچ نیست اِنت۔
ھندوستان ھم ملکے، اودا بزّگین مھلوکءِ توار گوش دارگِ بیت۔ آھانءِ چکّان چہ مصیبتان رکّینکا وسیلہ ودی کنگ بنت۔ لھتے روچ پیئسر ھمے ملکءَ ھنچین واقعھے کپت کہ دل بغیر چه آئی باروا نبشتہ کنگا نہ بیگا انت۔
27 مارچءِ صحبا وھدے من ٹلوژن پچ کرت گڈا ھندوستانءِ سھارا نشنل چئنل یک ندارگے پیش دارگا اَت۔ یے ندارگا ھندوستانءِ شھر تامل ناڈوءَ دوسال و نیم عمرءِ یک جنکے لیئب لیئبا مان یک 48 فٹ جھلین کڈ ّےءَ کپيت۔ کپتگین چکءِ گریوگ ڈنّءِ آئيءِ گھارءِ گوشان کپیت، گڈا گھار رؤت لوگءَ حال دات۔ لوگ و بازارءِ مردم سرکاری واکان فون کن اَنت۔ ھمے حبر رؤت تا وزیر اعلاءَ سرء بیت۔ وزیر اعلا ھما دمانءَ پولیس و فوجءَ حکم دات کہ زوت بہ رو اَنت و چکّءَ چہ کلاّ بہ کش اَنت۔ یکین کلاکءَ پولیس و فوج پہ چکّءِ رکّینگا وتا رسین اَنت۔ ھمے ڈولا میڈیاءِ مردم ھم رس اَنت؛ آ وتی دگہ مراگشان بند کن اَنت و ھمے چکءِ گریوگ و حالان شنگ کنگ بنا اَنت۔ چک گریوگا بیت و اِشکنگ بیت کہ دمان پہ ساعت وتی ماتءَ توار جنگا اِنت۔ روژنائیءِ بند بست بیت و کلّءِ توک روژنا کنگ بیت تاکہ چک تھارؤکیءَ دل ترکّ مہ بیت۔ پہ چکّءَ وراک، شیر و شربت ھم کلّءِ توکا ایئر دیگ بیت اَنت۔
خاکءِ نرمیءِ سببا کلّءِ توکا ایئر کپگ خطرناک اَت، چمشکا مردمان شپی شپ ھمشیءِ کشءَ دگہ کلے کؤنچک بنا کت۔ تا دومی شپءَ اِشان کل ھمنچوک کہ ھمائی جھل کت و ھونڈے دیم پہ آ دگہ کلاّ اڈ کت۔ پدا چکّ اش زرت درا آرت۔ چہ پیئسرا ساڑیین داکٹران چک پہ دوا درمانءَ دست گپت۔ علاجءِ سرجم کنگا رند چکّ مات و پسءِ دستا دیگ بیت۔
یے ندارگا منی دل ھنچؤ ضعیف کت کہ چمانءِ ارس ھم شلگا لگّ اِت اَنت۔ خیالا آتگ کہ ما ھم یک ملکےءَ زندگی کنین۔ ھمے ملکءِ فوج و پولیس مئے رکّینگءِ بدلا مارا کشگ و گار کنگا اِنت۔ مئے سرا مشکل آتکگ اَنت، بلے ھمے ملکءِ پولیس و فوجءَ مارا کمک نہ کتگ۔ په دَروَر لھتے سال پیئسر ملیرءَ ھئور بوت، کئورءَ ھار کُت، وھدے ھار ایئرموش بیت گڈا لھتے بچک کئورءِ آپءَ جان شودگا پُترت تنت؛ چہ برزا بلاھے ھارے آتک و بچکانءَ بران کت۔ چہ اشان دو آپءَ برت اَنت و یکے کئورءِ دلگاھا مزنین سنگےءَ سرکپت و ھمشیءِ سرا نشت۔ کئورءِ یے دیئم و آ دیئما مردم مچّ بیت اَنت۔ شھرءِ ناظم ھم سر بیت۔ آئیا فوج و پولیس ٹلفن جت و گشت اَنت کہ پہ بچکءِ رکّینگا دِهدِها ھلی کاپٹرے راہ بہ دے اَنت۔ آوان جواب دات کہ آوانءِ گورا ھلی کاپٹر نیست اِنت۔ پدا ایدھی سنٹرءَ دو سئے اژناگرین مردم راہ دات۔ یے مردم وھدے آپءَ ایئر کپ اَنت، اشان آپ برگا لگّ اِت۔ اِشان پہ ھیلّتے وتی ساہ دربرت۔ گڈا بلوچان وت ھمّت کت؛ سئے چار کسان وتی سرینان ساد بست، ایئر کپت اَنت و بَچَکَِش رکّینت۔
ھمے ڈولین مثال باز اَنت کہ اودا بلوچءِ سرا سکـّی آتکگ، بلے سرکاری مردم گندگ نہ بیتگ اَنت۔ چؤکہ مکرانءَ ھئور و ھارانءِ وھدا بازین مردم آپءَ بُرت؛ گار کت اَنت۔ معصومین چک چنچو روچ آپءِ توکا بوتگ اَنت، بلے سرکاری فوجءَ ھچ کمک نہ کتگ۔ چہ ھئوران رند ھمے چک نادراہ بوت اَنت، بلے اودا تو نہ سرکاری داکٹرے دیست، نے کہ میڈیاءِ مردم پہ اشانءِ حالانءِ شنگ کنگا ظاھر بیت اَنت۔
سند بہ بیت یا بلوچستان؛ بلوچ ملکءِ ھرجاگہءَ به بنت اودا آ وار اَنت۔ بازین چکّ نادراہ بنت، پہ آوانءِ علاجءَ اودا نہ ھسپتال ھست نے کہ دگہ دوا درمانءِ آسراتی۔ ھمے ڈولا چکّے کہ جان سلامت اِنت، پہ آئیءِ وانگ دربرگا اسکولے نہ گواھیت۔ نہ الکاپین آپ پہ وَرَگا ھست، نے کہ رَوَگ و آیگا روڈ۔ بلوچ راج پہ وت و وتی آیوکین نسلان چہ یے ملکءَ چے امید بہ کشیت؟
گش اَنت کہ چُک قومءِ میراث اَنت۔ ملکےءَ وھدے چُکـّے ودی بیت، گڈا آ ملک پہ آئیءِ علاج و آ دگہ تمامین آسراتیان کاریت؛ دات۔ آئیا چہ دراھین مصیبتان رکّینگءِ جھدا کنت، وانینیت، مزن کنت و کاریت یک شرّین شخصیتے جؤڑ کنت۔ ملکےءَ کہ ما نشتگین پاکستان ئی گش اَنت و پاکستان وتارا اسلامءِ مزنین قلاتے گُشیت۔ ادا پہ بلوچءِ چکّءَ چہ مصیبتان رکّینگا ھچ وسیلہ نیست۔ ودی بیتگین چکّ اگر خداءَ چہ نادراھی و دگہ مصیبتان رکّینت اَنت وَ شر، اگر نہ ملکءِ حاکمانءِ گوَرا پہ آئیءِ رکّینگا ھچ نیست اِنت۔
ھندوستان ھم ملکے، اودا بزّگین مھلوکءِ توار گوش دارگِ بیت۔ آھانءِ چکّان چہ مصیبتان رکّینکا وسیلہ ودی کنگ بنت۔ لھتے روچ پیئسر ھمے ملکءَ ھنچین واقعھے کپت کہ دل بغیر چه آئی باروا نبشتہ کنگا نہ بیگا انت۔
27 مارچءِ صحبا وھدے من ٹلوژن پچ کرت گڈا ھندوستانءِ سھارا نشنل چئنل یک ندارگے پیش دارگا اَت۔ یے ندارگا ھندوستانءِ شھر تامل ناڈوءَ دوسال و نیم عمرءِ یک جنکے لیئب لیئبا مان یک 48 فٹ جھلین کڈ ّےءَ کپيت۔ کپتگین چکءِ گریوگ ڈنّءِ آئيءِ گھارءِ گوشان کپیت، گڈا گھار رؤت لوگءَ حال دات۔ لوگ و بازارءِ مردم سرکاری واکان فون کن اَنت۔ ھمے حبر رؤت تا وزیر اعلاءَ سرء بیت۔ وزیر اعلا ھما دمانءَ پولیس و فوجءَ حکم دات کہ زوت بہ رو اَنت و چکّءَ چہ کلاّ بہ کش اَنت۔ یکین کلاکءَ پولیس و فوج پہ چکّءِ رکّینگا وتا رسین اَنت۔ ھمے ڈولا میڈیاءِ مردم ھم رس اَنت؛ آ وتی دگہ مراگشان بند کن اَنت و ھمے چکءِ گریوگ و حالان شنگ کنگ بنا اَنت۔ چک گریوگا بیت و اِشکنگ بیت کہ دمان پہ ساعت وتی ماتءَ توار جنگا اِنت۔ روژنائیءِ بند بست بیت و کلّءِ توک روژنا کنگ بیت تاکہ چک تھارؤکیءَ دل ترکّ مہ بیت۔ پہ چکّءَ وراک، شیر و شربت ھم کلّءِ توکا ایئر دیگ بیت اَنت۔
خاکءِ نرمیءِ سببا کلّءِ توکا ایئر کپگ خطرناک اَت، چمشکا مردمان شپی شپ ھمشیءِ کشءَ دگہ کلے کؤنچک بنا کت۔ تا دومی شپءَ اِشان کل ھمنچوک کہ ھمائی جھل کت و ھونڈے دیم پہ آ دگہ کلاّ اڈ کت۔ پدا چکّ اش زرت درا آرت۔ چہ پیئسرا ساڑیین داکٹران چک پہ دوا درمانءَ دست گپت۔ علاجءِ سرجم کنگا رند چکّ مات و پسءِ دستا دیگ بیت۔
یے ندارگا منی دل ھنچؤ ضعیف کت کہ چمانءِ ارس ھم شلگا لگّ اِت اَنت۔ خیالا آتگ کہ ما ھم یک ملکےءَ زندگی کنین۔ ھمے ملکءِ فوج و پولیس مئے رکّینگءِ بدلا مارا کشگ و گار کنگا اِنت۔ مئے سرا مشکل آتکگ اَنت، بلے ھمے ملکءِ پولیس و فوجءَ مارا کمک نہ کتگ۔ په دَروَر لھتے سال پیئسر ملیرءَ ھئور بوت، کئورءَ ھار کُت، وھدے ھار ایئرموش بیت گڈا لھتے بچک کئورءِ آپءَ جان شودگا پُترت تنت؛ چہ برزا بلاھے ھارے آتک و بچکانءَ بران کت۔ چہ اشان دو آپءَ برت اَنت و یکے کئورءِ دلگاھا مزنین سنگےءَ سرکپت و ھمشیءِ سرا نشت۔ کئورءِ یے دیئم و آ دیئما مردم مچّ بیت اَنت۔ شھرءِ ناظم ھم سر بیت۔ آئیا فوج و پولیس ٹلفن جت و گشت اَنت کہ پہ بچکءِ رکّینگا دِهدِها ھلی کاپٹرے راہ بہ دے اَنت۔ آوان جواب دات کہ آوانءِ گورا ھلی کاپٹر نیست اِنت۔ پدا ایدھی سنٹرءَ دو سئے اژناگرین مردم راہ دات۔ یے مردم وھدے آپءَ ایئر کپ اَنت، اشان آپ برگا لگّ اِت۔ اِشان پہ ھیلّتے وتی ساہ دربرت۔ گڈا بلوچان وت ھمّت کت؛ سئے چار کسان وتی سرینان ساد بست، ایئر کپت اَنت و بَچَکَِش رکّینت۔
ھمے ڈولین مثال باز اَنت کہ اودا بلوچءِ سرا سکـّی آتکگ، بلے سرکاری مردم گندگ نہ بیتگ اَنت۔ چؤکہ مکرانءَ ھئور و ھارانءِ وھدا بازین مردم آپءَ بُرت؛ گار کت اَنت۔ معصومین چک چنچو روچ آپءِ توکا بوتگ اَنت، بلے سرکاری فوجءَ ھچ کمک نہ کتگ۔ چہ ھئوران رند ھمے چک نادراہ بوت اَنت، بلے اودا تو نہ سرکاری داکٹرے دیست، نے کہ میڈیاءِ مردم پہ اشانءِ حالانءِ شنگ کنگا ظاھر بیت اَنت۔
سند بہ بیت یا بلوچستان؛ بلوچ ملکءِ ھرجاگہءَ به بنت اودا آ وار اَنت۔ بازین چکّ نادراہ بنت، پہ آوانءِ علاجءَ اودا نہ ھسپتال ھست نے کہ دگہ دوا درمانءِ آسراتی۔ ھمے ڈولا چکّے کہ جان سلامت اِنت، پہ آئیءِ وانگ دربرگا اسکولے نہ گواھیت۔ نہ الکاپین آپ پہ وَرَگا ھست، نے کہ رَوَگ و آیگا روڈ۔ بلوچ راج پہ وت و وتی آیوکین نسلان چہ یے ملکءَ چے امید بہ کشیت؟
هیچ نظری موجود نیست:
ارسال یک نظر
وتی کلوا چێرا نبیس إت