اگر ملایے بلوچستانءِ گورنر نندارینگ بہ بیت، گڈا بلوچان وتکش حملہ کنگءِ حقء بیت اِنت۔ نشنل پارٹی پنجگوردمگءِ گوانکوءَ گون روچتاک انتخاب گشتگ۔
روچتاک انتخابءَ نام ظاھر نہ کتگ و نبیستگ: نشنل پارٹی پنجگورءِ گوانکوءَ گشتگ کہ ملا فضل الرحمان و آئیءِ دلار مولانا شیرانیءِ ڈولینانءِ ناما پہ بلوچستانءِ گورنریءَ ظاهر کنگ بلوچ دشمنی اِنت۔ بیانءِ ردا مولانا فضل الرحمان، مولانا محمد شیرانی و مولانا واسعءِ دست نواب بگٹی و میر بلاچ مری و دگہ ھزاران بلوچانءِ کـُشگا ھؤر بیتگ اَنت۔
بلوچستانءِ توکا ملا فضل الرحمانءِ کردار چؤکہ میر جعفر و میر صادقءَ اِنت۔ آوان مدام فوجءِ ھمراھیءَ بلوچانءِ نپءِ خلافا کار کتگ۔ اگر بلوچستانءِ گورنریءِ ذمہ یے ڈولین مردمانءِ دستا دیگ بہ بیت، گڈا وتکش حملہ کنگا بلوچان کس میاریگ نہ کنت۔
خیال ظاھر کنگ بیگا اِنت کہ اگر پاکستانءِ ھنوگین سرکار ملکءِ توکا جمھوری نظامءَ دیما برگا پہ دل اِنت و بلوچانءِ سرا بیتگین زوراکیان پشومان اِنت، و بلوچستانءِ توکا ماڈرن دموکراسیءِ دیمرئیءَ لوٹوک بہ بیت، گڈا چہ مکران دمگءَ گورنرےءِ زیرگ پہ ھمے لوٹانءِ دیما برگا کمک کنت۔ اگر چؤ بہ بیت گڈا یے اولی بر بیت اِنت کہ چہ بلوچستانءِ مزنترین دمگ مکران پہ بلوچستانءِ مزنین ذمواریان کسے زیرگء بیت۔ تنے وھدی چہ مکرانءَ نہ گورنرے زیرگ بیتگ نے کہ وزیر اعلایے۔
هیچ نظری موجود نیست:
ارسال یک نظر
وتی کلوا چێرا نبیس إت