بلوچستانءِ شھر ڈیرہ بگٹیءَ مشرفءِ دلاّری کنوکین بلوچ دشمن عبدالصمد لاسی پہ وتی ننگءِ چيئر دیگا تتکگ و بلوچستانءِ کوھان چيئر اِنت۔ سردارصالح محمد بوتانیءِ دفترءِ سرا تیرگواری کنائینگءِ ڈؤبوا دو روچ پیئسر پولیسءَ پہ دستگیر کنگا آئیءِ لوگءِ سرا یورش برتگ اَت، البت آئیءِ رستگاری کنوکین مردم و پولیسءِ نیاما تیرجنگی بیتگ اَت و ھمے وھدا عبدالصمد لاسی چہ وتی لوگءَ تتکگ اَت۔ نوکترین حالانءِ ردا عبدالصمد لاسی وتی رستگاری کنوکین سلاحبندین مردمانءِ ھمراھیءَ پہ وتی ننگءِ چيئر دیگا حب شھرءِ پشتگوئرا سسی پنـّو کوھان ٹــّپتگ۔
نواب اکبر شھباز بگٹی و دگہ ھزاران بلوچانءِ شھید و یا چہ سبی و کوھلو دمگءَ در پہ در کنگا عبدالصمد لاسیءِ مزنین دستے ھؤر بیتگ۔ آئی مدام میڈیاءِ دیما آتکگ و بلوچانءِ خلافا زھر شانتگ۔ وتی سلـّین زبان و بد کردیءِ سببا ھر بلوچ و بلوچدوستءَ چہ یے مردے ناما بَدء کئیت۔
داتگین عکسءَ عبدالصمد لاسی رند چہ نواب اکبر بگٹیءِ شھید کنگا آئیءِ گڑیال و عینکءَ حالکاران پیئش دارگا اِنت تا آوان باور بہ کنائینیت کہ نواب اکبر بگٹی الـّما شھید کنگ بیتگ۔ بلوچی نیوز
هیچ نظری موجود نیست:
ارسال یک نظر
وتی کلوا چێرا نبیس إت