ھندوستانءِ یک سرکاری واکدارےءَ گشتگ کہ آئی چن لانچا اِنت کہ ھِردِک و مُشکانءِ گوشتءَ وراکانءِ اڈ کنگا بُنگيئج بہ کنت۔ چیا کہ موشکءِ گوشتءِ ورگ وراکانءِ گرانبھائی سببا نیزگارانءِ لاپءَ سیئر کـُتِ کنت۔ صوبہ بھارءِ سَرین مُنشی واجہ و"جے پرکاش" گشتگ کہ ملکءِ توکا مُشک باز اِنت و اِشانءِ مزنین بھرےءَ جناور وَر اَنت، البت اگر یے گِرَگ و اِشانءِ وراک اڈ کنگ بہ بنت، بازین شدلاپان شرّین وراک رسیت و دنیاءِ توکا وراکانءِ کمّیءِ جیڑہءِ حل کنگا کمک کنت۔
واجہ پرکاش گشتگ کہ آئی جھد کنت تا مردم منـّینگ بہ بنت کہ مان وتی گِسان و کـَسان تا مَزنین رسٹورانٹان مُشک و ھِردِکانءِ گوشتءَ اڈ کتگین وراک بُھا بہ کن اَنت۔ پہ ھمے گامءِ چست کنگا آئی مزنین درملکی ھوٹلانءِ واھندان ھم منـّينگءِ جُھدا کنت۔
ھندوستانءِ توکا چہ پیئسرا "موشر" ٹـَکّءِ مردمان مشکءِ گوشت وَر اَنت۔ واجہ پرکاشءِ گشگ اِنت: وھدے یے ٹک وارت کنت گڈا پچے آدگہ وارت مہ کن اَنت۔ البت اول سرا مردم ناز کن اَنت، بلے نرم نرما ھیئل کن اَنت۔
هیچ نظری موجود نیست:
ارسال یک نظر
وتی کلوا چێرا نبیس إت