مشرقی بلوچستانءِ نصیر آباد دمگءَ غیرتءِ ناما جنین آدمان کشگ و آوان درگؤر کنگءِ سلّین کار چہ ھرنیمگا ایئر جنگ بیگا اِنت۔ بلوچ نتظیم و جھدکاران چہ دنیاءِ اوارین کنڈان وتی نہ وشی درشان کتگ و درامدانءِ کتگین یے سلکاری بلوچانءِ چکّا جنگ بد گشتگ۔
نام چہ باز وھد پیئسر پاکستانی چاریکان ھمراھیءَ گرگ بیتگ اَنت۔ آوانءِ کار گون پاکستانءِ چاریگان ھؤرکاری اِنت و فوجءِ گورا بلوچانءِ زمینان بھا کنگ، و ورگ اِنت۔ مستی خان دیمترا کشتگ کہ یے جنین آدمان کشگءِ خبر ھنچین وھدے پاکستانءِ چاریگا دیما آرت کہ مان دنیاءَ پاکستانءِ ھنّیگین سرکار ڈیرہ بگٹیءَ بلوچان زندگا سوچگءِ سرا ایئرجنگ بیگا اِنت۔لبزانکی جھدکار ولید گربنیءِ خیال اِنت کہ جنین آدمان کشگءِ یے کار چہ در بلوچستانءَ آرگ و نندارینگ بیتگین غیر بلوچانءِ کار اِنت۔ یے مردم بلّی بلوچستانءَ جاہ منند اَنت، بلے بلوچ نہ اَنت۔ آئي چہ بلوچ وانوک، سماجی، سیاسی و لبزانکی شخصیت و نتظیمان دستبندی کتگ کہ یے غیر انسانی کارکردءَ ایئر بہ جن اَنت۔ تا دنیا بہ گندیت کہ بلوچ یک سرپدین راجے اِنت۔ ھؤریءَ ضروری اِنت کہ بلوچستان نشنل پارٹی -عوامی سردار اسرار زھریءَ چہ پارٹیءَ در بہ کنت، اگر نہ سرجمین پارٹیءِ باسک ھمے ڈولین پوستگین فکرءِ واھند زانگ بنت۔
ولید گربنی گيئش کت کہ جنین آدمان بے آبرو کنگ و آوان رؤڈانءِ سرا تاچینگ یا کشگءِ مثال کش گوئری صوبوان دستا کپيت۔ جلگھین شھر کراچیءَ نوکسیرین جنین آدمےءَ مان محمد علی جناحءِ مزارءِ سرا بندیگ کنگ و تا سئے رؤچ یکّوئی اجتماعی ناروائیءِ آماچ کنگءِ خبرا نوکین چیزے ماہ پرگوئستگ۔ بلوچانءِ مثال شھید اعظم نواب اکبرشهباز بگٹی اِنت کہ فوجءِ دستا وتی دمگءَ داکٹر شازیہ خالدءِ بے آبرو بیگءِ سرا آئی فوج سرا یورش بُرت و آوانءِ بُنجاہ مانداشت اَنت۔
بلوچ چاگردی جھدکار شستونی بلوچ ھم یے حیوانی کارکرد سرا وتی زھری درشان کتگ و گشتگ کہ سردار اسرار زھری عرب جاھلیہ دئورءِ فکرءِ واھند اِنت۔ آئیءِ جنین دشمنین گپان بلوچ و غیر بلوچ انساندوست پہ درد کتگ اَنت۔ قبائلی مردمانءِ دستا یے جنین آدمان زندگ درگؤر کنگ و پاکستانی فوجءِ دستا بلوچان زندگ سوچگءِ نیاما واجہ شستونی ھچ فرق نہ مارتگ۔
کراچیءَ جاہ منندین بلوچ جھدکار آفتاب احمد بلوچ گشتگ کہ بلوچ ٹکّانءِ توکا جنین آدم عزت و شرف دیگ بنت؛ وخشی جناورانءِ ڈولا کشگ و درگؤر کنگ نہ بنت۔ بلوچ مات کنبءِ سروک زانگ بنت۔ البت لھتے پشتو و سندی ٹکـّان یے ڈول نہ اَنت۔ آئي گيئش کتگ کہ انگت زانگ نہ بیگا اِنت کہ کشتگین جنین 3 بیتگ اَنت یا 5 کس۔ البت گشتگینانءِ توکا جنِک کہ وتی پسندءِ آروس کنگا لؤٹوک بیتگ اَنت و آوانءِ مات ھؤر اَنت۔ ھر پئیم بہ بیت یے دردناکین جرمے اِنت و مجرم گرگ، کورٹءَ کشّگ و سزا دیگ بہ بنت۔
بلوچ راجی جھدکار واجہ طارق بلوچ چہ برطانیا ھم یے جنین آدمانءِ کشگ گون ترنترین گالان ایئر جتگ و یے خبرءَ پاکستانءِ سنئٹءِ توکا ظاھر کنؤکن یاسمین شاہ ستا داتگ۔ البت آئیءِ نیتءِ سرا طارق بلوچ شک ظاھر کتگ و کشتگ کہ اگر واقعی اشیءِ مقصد یک غیر انسانی کردےءَ ایئر جنگ بہ بیتین اَت، گڈا فوجءِ دستا بلوچان زندگا مان انگران دئور دیگ ھم ایئر جتگ اَت۔ ضروری اِنت کہ بانک یاسمین شاہ و آئی ھمراہ بلوچستانءِ توکا فوجءِ زؤراکیان هم بد بہ گش اَنت۔ بلوچی نیوز
هیچ نظری موجود نیست:
ارسال یک نظر
وتی کلوا چێرا نبیس إت