بلوچ سرمچار تنظیم بی ال اِے، بی آر اِے و بی ال افءِ جنگبندیءِ ھؤرین جارءَ بلوچ دشمنانءِ چمانءِ واب برتگ۔ خاص ھما مردم کہ آئی اس آئی و دگہ چاریگی بنجاھانءِ کاسگ چٹ زانگ بیتگ اَنت، چہ ھر کسءَ گيئشتر پریشان اَنت۔ سر ظاھرا آ بلوچ تنظیمانءِ سرا بُھا بیگءِ وڑین سبک و بے بُنین بُھتان جنگا اَنت، بلے باپـُشتا بہ چارئے گڈا زانگ بیت کہ آوانءِ پریشانیءِ مزنترین سبب سئین تنظیمانءِ اتحاد اِنت۔
.
چہ جنگ بندیءِ جارءِ پرّینگا پیئسر بازین کسانءِ خیال بیتگ کہ یے سئین تنظیم گون یکا دگر گرچیل اَنت وھر یکّے چہ اشان وتی نیمگا، پہ وتی سیتان کشّگا اِنت۔ بلے ھؤریءَ جار پرّینگا رند یے خیال آوانءِ وتی دلان سنگ بیتگ اَنت۔
.
سرمچار تنظیمانءِ نیاما بی آر اےءِ بیان شنگ بیگا اَنت و گشگا انت کہ جنگ بندیءِ جارجنگ آوانءِ نوکین کارکردی راھبندءِ بھرے اِنت و آ پہ بلوچستانءِ حقانءِ دستا آرگا وتی جھدا ھچبر نہ دار اَنت۔ ھمے بیان بلوچانءِ دلانءِ گوانکو اِنت۔
.
بلوچی نیوز مدام تبصرہ کتگ و نظر درشان کتگ کہ پہ بلوچستانءِ آزادیءَ ابید چہ سلاحبندین جنگءَ آدگہ راہ و در چارگ بہ بنت۔ پرے خیالانء نبیسگا ما مدام لھتے کسانء ڈؤبارگان دیمپان ھم بیتگ انت۔ نین کہ مئے واھگانءِ ھمردین گامے بلوچ سرمچاران چست کتگ۔ بلوچی نیوز ٹیم وتی دلی وشیان درشان کنت۔
.
راستین حبر اش اِنت کہ بلوچان جنگ و زیر کنگءِ دشمنانءِ راھبند فرق کن اَنت. ھمے ڈولا ضروری اِنت کہ ھر دشمنءِ زؤراکیانءِ دیئما دارگا جُدائین کِشگ رندگری بہ بنت۔ بلے اگر درے بہ بیت، گڈا مئے دستبندی چہ بلوچستانءِ مغربی بھرءِ سلاحبندین جھدکاران ھمش اِنت کہ آ ھم جھدءِ دگہ راھان بہ چار اَنت و وتی مشرقی براتانءِ ڈؤلین فیصلوے کنگا وتی گؤمان گيئگ کن اَنت۔
بلوچءِ هر پُسّگ شرّی سرا پؤہ اِنت کہ گؤن پاکستان، ایران و دگہ زؤراکان ھؤر بلوچ زندگ پشت نہ کپیت۔ یوکا آزادین سرڈگار و وتی نیک بدءِ واھند بیگا رند بلوچ دنیاءِ آ دگہ راجانءِ نیاما گؤن آسودگی و سربلندی زند گوازینت کنت۔ چمشکا بلوچ باید چہ وتی راجی آزادیءِ لؤٹءَ پد مہ کنز اَنت، دشمن و دنیاءِ دیئما وتی لؤٹءَ تچکیءَ ظاھر و درشان بہ کن اَنت. تا کسےءِ دلءَ شکّے پشت مہ کپیت کہ تفنگان دئور دیگا مانا چہ آزادیءِ جھدا پد کنزگ نہ اِنت۔ بلوچی نیوز
هیچ نظری موجود نیست:
ارسال یک نظر
وتی کلوا چێرا نبیس إت