پاکستانءِ واکدارین گل پاکستان پیپلز پارٹیءِ ھمبلّین سروک آصف علی زرداری 479 ووٹ گپت و پاکستانءِ صدر گچین بیت۔ آئیءِ مخالف سعید الزمان صدّیقیءَ 153 و مشاھد حسینءَ 43 ووٹ رسِتگ۔نشنل اسمبلی و سنئٹءِ 436 مردمان ووٹ داتگ، چہ اِشان 281 ووٹ آصف علی زرداریءَ رستگ اَنت۔ صوبہ بلوچستانءِ 65 ووٹان آصف علی زرداریءَ 59 رستگ و صوبہ سرحدءَ 65ءِ توکا 55 ووٹ ئی بُرتگ۔
صوبہ سند داتگین ووٹ کہ 63 حساب بیتگ اَنت؛ سرجمیءَ آصف علی زرداریءَ رستگ اَنت و صوبہ پنجابءِ ووٹ دیئرتر شنگ بیت اَنت کہ اشانءِ نیاما 21 آصف علی زرداری برتگ اَنت۔
۔
زانگءِ ضرورت اِنت کہ ھر صوبہءِ پارلمنٹءِ باسکانءِ حساب چہ آدگریگان فرق کن أنت چمشکا آوانءِ ووٹ ھنچین ڈولےءَ بھر کنگ بنت کہ گڈی حسابش 65ءَ بہ رسیت۔ بزان ھر صوبہءِ ووٹ 65 حساب بنت۔
آصف علی زرداری سند صوبہءِ جاہ منندین بلوچ ٹکّ زرداریءِ نامدارین کاروباری کھولےءِ حاکم علی زرداریءِ پچّ اِنت۔ آئی گون پاکستان پیپلز پارٹیءِ وھدی سروک خدامرزی بے نظیر بٹـّو 1987ءَ ھنچین جاوران سیر کت کہ بٹــّو ٹکّءَ بے نظیر دست پشتءَ جتگ؛ ویل کتگ اَت و بے نظیرءِ پشت یوکا آئیءِ پارٹیءِ 'جیالہ' تنت۔
باز کسانءِ خیال اِنت کہ گؤن آصف علی زرداری سانگ کنگا رند بے نظیرءَ مزنین پُشتے رستگ و ھمے برکتا آئی دو رند پاکستانءِ وزیراعظم ھم گچین بیت۔ دگہ لھتے یے راستیءِ چپ ھمے گشگا اَنت کہ گؤن بے نظیر سیر کنگا رند آصف علی زرداریءِ بھت پاد آتکگ۔ البت اگر چؤ بہ بیتین اَت، گڈا آصف علی زرداری وتی عمرءِ شرترین دئورءِ 10 سال بندیگجاہءَ نہ گؤازینتگ تنت۔
بلوچی نیوز رپورٹ چہ آوارین جاھان سرجم کتگ۔
هیچ نظری موجود نیست:
ارسال یک نظر
وتی کلوا چێرا نبیس إت