سوئی شھرا یک موٹر سائیکلیا پرلِچّینتگین بمبتراکیا شھید نواب بگٹیءِ مخالفے کُشت و دو کس ٹپّيگ کت۔ چہ بمبتراکا رند شھرءِ سرجمین دکانداران کاربار بند کت اَنت۔رستگین حالءِ ردا تاج موندرانی کہ پیئسرا نواب بگٹیءِ ھمراھے اَت و رندترا آئیءِ رندگری ئی ویل کُت، پدا پہ سرکارا چاریگی ئی بنا کت؛ یکشنبہءِ روچا وھدے چہ وتی گاڑیا ایئر کپت کہ دکانیا بہ رؤت ھمے درگتا بمب ترکّ اِت۔ اشی سببا آئی گون وتی دو ھمراھان ٹپّيگ بیت۔ البت پہ دوا درمانا جاھے رسگا پیئسر بیران بیت۔ دوئین ھمراہ ئی پہ دوا درمان کوئٹہ سر کنگ بیت اَنت۔
حملہ بی آر اےءِ گوانکو سرباز بلوچ وتی سرا زرت۔ آئی تاج محمد موندرانیءِ نام غدّار ظاھر کت۔ ٹپّيگ تاج محمدءِ برات خیرو و برات زھگ ھارون ظاھر کت اَنت۔
۔
آکشتر نصیر آبادءِ نزیکا ھم یک بمبے ترکّتگ و اشیءِ سببا دو کس ٹپّيگ بیتگ اَنت۔ آساپ، توار
هیچ نظری موجود نیست:
ارسال یک نظر
وتی کلوا چێرا نبیس إت