گش اَنت کہ مردم چہ کؤرین حیدر خیر مہ لوٹیت۔ بلے پدا ھم انسانیتءِ لؤٹ اِنت کہ بدی و زؤراکی ایئر جنگ و تچکین راھانءِ سکین دیگا مردم مدام ساڑی بہ بنت۔ وھدے گپ راستیے بیت گڈا باز وھدا راستیان درشان کنوک و نبیسوکانءِ خیالا ھم مردم گؤر کن انت۔ بلوچی نیوزءِ چاروک زان اَنت کہ ما مدام جُھد کتگ تا زؤراکیانءِ خلافا وتی ندا کار بہ بند اِنت. نبیسگءِ وھدا ما برے پہ جیڑوان مدامی حلّے سوج داتگ و برے ھداروکی راھے کہ باندات ھمشی گڈی منزل بیت کنت۔ چیاکہ ھر روچ بدل بیوکین جھان یک جاہ نہ اؤشتاتگ۔ کس نہ زانت باندا چے بیت۔ ھمے ردا مروچی بے خیرین کورین حیدرءِ غیرانسانی حرکتانءِ ردا چار دانکءِ گشگا ضروری زانگا اِنت۔
ھُرد چارگ پہ کار نہ بیت تا مردم پہ یے سرپدیا بہ رسیت کہ مروچی پہ بلوچ و دگہ بازینان ایرانءِ اسلامی سرکارچہ کورین حیدران کم نہ اِنت۔ جلگھین دنیاءِ بنیادمی حقانءِ پانکجنؤک و انساندوستانءِ دستبندی یا لؤٹان حسابا نہ آرگ، و وتی غیر انسانی کارکردان دیما بران لس مھلوکءِ سرا زؤراکیانءِ کؤھان لومبینگ ایرانی سرکارا زندگ دارگءِ یوکین درمان گندگ بیگا اَنت۔ سیاسی سائسءِ دربروگ و معیشتءِ کوّاس وا زان اَنت کہ ھما سرکار شرّین سرکار منّگ بیت کنت کہ چہ ظلم و زؤراکیان وتا بہ رکّيئنیت و وتی رواجءِ وھدا انسانگری، امن و شعور ردؤم بہ دات و ملکءِ توکا ھستین تفاوتان ھنچین ڈولے وتی بگلانءِ چيئرا بہ زیریت کہ آ سرکارءِ ساھگا پہ وت پناھجاھے بہ مار اَنت۔
باز سرپدین مردمانءِ خیال اِنت کہ پہ ایرانءِ اسلامی رژیما نین باز وھد پر گؤستگ کہ آ وتی نامءِ چکّا لچّتگین بدنامیان ششت بہ کنت۔ چہ رژیمءِ راھشؤنان بازین کسان چٹا چم بستگ اَنت و بئید چہ وتی باوران دگرانءِ تاریخ، دود، احساسات و ضرورتان نہ زان اَنت، نے کہ زانگ لؤٹ اَنت۔ بلے ھمے واکدارانءِ نیاما یک دوئے بے اختیارین عاقل بیت کنت و سرپد اَنت کہ آوانءِ راھشون دیم پہ گر گٹّان رَوَگا اَنت کہ آسر ئی ھؤشام و شدلاپیءِ مَرگ اِنت۔ ھمے بلّی بے اختیار اَنت، بلے فارس بیگءِ سببا راستیءِ توارا اگر چست بہ کن اَنت، گڈا کشگ نہ بنت۔ کموکے لٹ کٹ بیگ پہ وتی ملکءِ رکّینگا مزنین قربانیے حساب نہ بیت۔ ھمشانءِ سرا فرض اِنت کہ بلوچستانءِ ڈولین پدمنتگین صوبوانءِ سرا زؤراکیانءِ دیمپان بیگا جھد بہ کن اَنت۔
ھُرد چارگ پہ کار نہ بیت تا مردم پہ یے سرپدیا بہ رسیت کہ مروچی پہ بلوچ و دگہ بازینان ایرانءِ اسلامی سرکارچہ کورین حیدران کم نہ اِنت۔ جلگھین دنیاءِ بنیادمی حقانءِ پانکجنؤک و انساندوستانءِ دستبندی یا لؤٹان حسابا نہ آرگ، و وتی غیر انسانی کارکردان دیما بران لس مھلوکءِ سرا زؤراکیانءِ کؤھان لومبینگ ایرانی سرکارا زندگ دارگءِ یوکین درمان گندگ بیگا اَنت۔ سیاسی سائسءِ دربروگ و معیشتءِ کوّاس وا زان اَنت کہ ھما سرکار شرّین سرکار منّگ بیت کنت کہ چہ ظلم و زؤراکیان وتا بہ رکّيئنیت و وتی رواجءِ وھدا انسانگری، امن و شعور ردؤم بہ دات و ملکءِ توکا ھستین تفاوتان ھنچین ڈولے وتی بگلانءِ چيئرا بہ زیریت کہ آ سرکارءِ ساھگا پہ وت پناھجاھے بہ مار اَنت۔
باز سرپدین مردمانءِ خیال اِنت کہ پہ ایرانءِ اسلامی رژیما نین باز وھد پر گؤستگ کہ آ وتی نامءِ چکّا لچّتگین بدنامیان ششت بہ کنت۔ چہ رژیمءِ راھشؤنان بازین کسان چٹا چم بستگ اَنت و بئید چہ وتی باوران دگرانءِ تاریخ، دود، احساسات و ضرورتان نہ زان اَنت، نے کہ زانگ لؤٹ اَنت۔ بلے ھمے واکدارانءِ نیاما یک دوئے بے اختیارین عاقل بیت کنت و سرپد اَنت کہ آوانءِ راھشون دیم پہ گر گٹّان رَوَگا اَنت کہ آسر ئی ھؤشام و شدلاپیءِ مَرگ اِنت۔ ھمے بلّی بے اختیار اَنت، بلے فارس بیگءِ سببا راستیءِ توارا اگر چست بہ کن اَنت، گڈا کشگ نہ بنت۔ کموکے لٹ کٹ بیگ پہ وتی ملکءِ رکّینگا مزنین قربانیے حساب نہ بیت۔ ھمشانءِ سرا فرض اِنت کہ بلوچستانءِ ڈولین پدمنتگین صوبوانءِ سرا زؤراکیانءِ دیمپان بیگا جھد بہ کن اَنت۔
سادہ ترین کارے کہ اِشانءِ دستا بیت کنت، آ چہ وتی واکداران لؤٹ کنگ اِنت کہ بلوچستانا یک رحم دلترین گورنرے بہ نندارین اَنت کہ آئيءِ دستا پہ یے پدمنتگین دمگءِ جیڑوانءِ گيشینگا قلم بہ بیت و بگلءِ چيئرا کتاب۔ ھنچین کسے بہ نندارین اَنت کہ آ چہ بلوچستانءِ تاریخ و بلوچ السءِ مارشتان سرپد بہ بیت، و بہ زانت کہ بلوچ ھچبر گؤن جنگ چؤپگ زیئر کنگ نہ بیتگ اَنت، نے کہ یے ڈول بیگءِ امید ھست۔ یوکا گؤن مھر و دوستی بلوچانءِ دل دستا آرگ بیت کن اَنت۔ پمشکا یک سرپد و مھربانین گورنرے بلوچستانءِ السءِ زئیمیین دلان درمان کت کنت۔ اگر نہ گڈا پشت کپتگین راہ پیئسریگانءِ ڈولا بلوچ السءِ دلانءِ رؤکین آسءِ توکا نوکین گورنرءِ سُچگ و پلار بیگ انت۔ ھؤریا ایرانءِ دامن/سکرٹ حساب بیوکین ملکءِ یے ٹکّر چہ واکدارانءِ دستا درء لکؤشیت و ملک بے شلوار پشت بہ کپیت۔ بلوچی نیوز
هیچ نظری موجود نیست:
ارسال یک نظر
وتی کلوا چێرا نبیس إت