پاکستانءِ تؤکا طالبانءِ سرا حملہ کنگء بیت، امریکی کماندار

پاکستانءِ تؤکا طالبانءِ سرا حملہ کنگء بیت، امریکی کماندار

سرین امریکائی فوجی کماندار اڈمرل "مائک مولن" گشت کہ امریکا طالبانءِ پرؤش دیگا ضروری لیئکیت کہ پاکستانءِ توکا طالبانءِ بنجاھانءِ سرا یورش برگ و جنگ بہ بنت۔ آئی گشت کہ یے فیصلہ چہ پاکستان آیگ و افغانستانءِ سرا حملہ کنوکین طالبانءِ شاھدیان گندگا رند کنگ بیتگ۔

البت پاکستانی فوجءِ سروک "اشفاق کیانی" گشتگ کہ ملکءِ واکداری و سلامتیا ھر بھائیا رکّینگ پہ کار اِنت۔ درملکی فوجیان پاکستانءِ خاکا آپریشن کنگءِ حق دیگ بیت نہ کنت۔ آوانءِ دیئما یے حبر گيئشینگ بیتگ کہ پاکستانی سیمسرانءِ توکا کسےءِ خلافا حملہ کنگءِ حق یوکا پاکستانا ھست اِنت۔

مان واشنگٹن کانگرئس کمیٹیءِ دیئما اڈمرل مائک مولن گؤن طالبان و القایدہ جنگءِ باروا درشان کتگین وتی خیالان گشت کہ انگت گشگء نہ بیت کہ اشانءِ خلافا امریکا جنگا سوبین بیتگ، تورین بلّی آئی دلجم اِنت کہ گڈسرا امریکا برندہء بیت اِنت۔

.
مائک مولن گيئش کت: منی خیالا دوئین ملک (پاکستان و افغانستان) سیمسرءِ دؤین نیئمگان یک مشکلین شورشیا مان گيشتگ اَنت۔

چدا پد پاکستانءِ توکا ٹرورسٹ بنجاھان سرا گيئشتر دلگؤش دیگء بیت، اڈمرل مولن وتی حبر سرجم کت۔ صداءِ امریکا

-
ایرانی کشتیانءِ خلافا امریکا توجیلے سازت

.

امریکاءِ وزارت خزانوا گشت کہ ایرانی کشتی اودءِ وزارتء دفاعا کالا رسینگا اَنت، چمشکا اشانءِ خلافا توجیلے سازگ بیتگ۔ آوان گشت کہ یے کمپنیان بازین سلاح و جنگی کالان ایرانءِ توکا سر کتگ اَنت۔ پہ یے چیزانءِ چیئر دیگا کشتی کمنیان وتی لڈتگین بارانءِ لِسٹ هم مٹّینتگ اَنت۔ بی بی سی

.

چہ عراق بازین امریکائی فوجیان افغانستان دیم دیگءِ برنامہ

.

امریکاءِ صدر "جورج بش" فیصلہ کتگ کہ آیوکین ماھان وتی لھتے فوجی چہ عراق بہ لڈّینیت و افغانستان دیئم بہ دات۔ سئے شنبہءِ روچا جورج بش گشت کہ عراقءِ توکا جندلانءِ کم ترّگا یے فرصت داتگ کہ امریکا وتی فوجیانءِ حسابا اودا کمتر و افغانستانا گيئشتر بہ کنت۔

ھنون 145 ھزار امریکائی فوجی عراقءِ توکا ھست اَنت و افغانستانا اشانءِ حساب 33 ھزار اِنت۔ واجه بشءِ نوک اڈ کتگین برنامہءِ ردا چہ عراق 45 ھزار فوجی افغانستانا دیئم دیگء بنت۔ بی بی سی