کوئٹہءِ نزیکا مان یک مدرسوےءَ ترکّتگین بمب ھچ ھِیلگرےءِ کار نہ بیتگ۔ اصلا بمب ھمودءِ وتی مردمےءِ گورا بیتگ کہ ترّکتگ۔ پولیس یے ردا پٹاسکاری کنگا اِنت تا بہ زانت کہ اندازہ 20 تا 25 کلو شورہ پہ چے مقصدانءِ پیلو کنگا آرگ بیتگ!
آساپ رؤچتاک نبیستگ کہ چہ مرتگینان یک نصراللہ نامینے بُندرا افغانستانءِ ھلمند ولایت/صوبہءِ نندؤکے بیتگ۔ ھمے ڈولا یے مدرسہ اَفغان طالبانءِ یک مزنین بُنجاھے زانگ و مدام طالبانءِ روگ و آیگ بیتگ۔ پولیسءِ گشگ اِنت کہ مدرسہ چہ کوئٹہ شھرا دیر مان غیر آبادین جاھےءَ غیر قانونی اڈ کنگ بیتگ۔
بمبتراکا مدرسہءِ سرؤک گل آغا جانءِ هؤریا شش کس کشگ و دگہ 13 ٹپّيگ بیتگ تنت۔
آنگو پاکستانءِ بنجاھی شھر اسلام آبادءِ تؤکا مئریٹ ھوٹلءِ دیئما تراکینتگین بمبانءِ سببا بلوچستان ھاؤس ھم پروشت پروش بیتگ۔ البت رستگین حالان ردا بلوچستانءِ گورنر و سروزیر کموکا رکّتگ اَنت۔ چارین صوبوانءِ مرکزی بنجاہ ھمے ھؤٹلءِ نزیکا اَنت و پہ صدر آصف علی زرداری بلوچءِ گشتانگءِ گؤشدارگا صوبوانءِ سر وزیر و گورنر زی اسلام آباد بیتگ اَنت۔
بمبتراکا رند پاکستانءِ صدر آصف علی زرداری بلوچ گشت کہ آ گؤن مردمان ھمدستء بیت و بنیادگرائیا/کٹران چہ رؤتگان گؤجیت و دئور دات۔
هیچ نظری موجود نیست:
ارسال یک نظر
وتی کلوا چێرا نبیس إت