ظلم کن اِت، ھنچؤ کشگ بی اِت- پاک فوجءِ سرا بی آر اےءِ کله

پاکستانی فوجءِ دستا مان سوئی یک جنین آدم و دو زھگانءِ کشگ بیگا رند بلوچ رپبلکن آرمی پاکستانی فوجءِ سرا یورش برت و چہ آوان 17 کس کشت اَنت۔
رستگین حالانءِ ردا پاکستانی فوجا جمعہ الوداعءِ رؤچا سوئی و زین کوها 'سرچ آپریشن'ءِ ناما بلوچ گدان و کٹگانءِ سرا یورش برتگ و اؤدا یک جنین آدمے و دو زھگ آوانءِ دستا کشگ بیتگ اَنت۔ پدا فوجان کـُٹِگ و گدان مانداشتگ اَنت۔ اشیءِ حال وھدے سرمچاران رستگ، گڈا آوان شنبہءِ رؤچا فوجءِ سرا حملہ کتگ۔
یے حملوا پاکستانی فوجءِ 17 افسر کشگ و دگہ بازینے ٹپّيگ بیتگ اَنت۔ فوجیان 13 سرمچاران جنگءِ بٹاک ھم جتگ۔ البت بلوچ رپبلکن آرمیءِ گوانکو سرباز بلوچ فوجءِ یے بٹاک دروغے ظاھر کتگ۔
میر سرباز بلوچ گشتگ کہ آ وتی جنگ بندیءِ فیصلہ سرا انگت اؤشتاتگ اَنت، البت اگر فوج وتی زؤراکیا بے میارانءِ سرا برجاہ بہ داریت، گڈا آ وتی دستانءَ نہ دار اَنت و ھمے پیما فوجیان ھم کش اَنت۔ توار، انتخاب، آساپ

بی بی سی اردو 2 فوجی و 7 سرمچارانءِ کشگ بیگءِ داتگین سرکاری حال شنگ کتگ۔