دوشنبہ 8 ستمبرا نوابزادہ خیر بیار مری و واجہ فیض بلوچءِ کئس کورٹءِ دیما پیئش کنگ بیت۔ سرکاری وکیلا کورٹ حال دات کہ کئس اَنگت ساڑی نہ اِنت کہ جیوریءِ دیما پیئش کنگ بہ بیت۔ چمشکا چہ قاضیا گيئشتر وھد ئی لؤٹ اِت۔ دفاعی وکیلانءِ بحث اَت کہ سرکاری وکیل مفتا کئسا دراجکش کنگا اِنت، چمشکا کئس دیئما برگ مه بیت. البت وھدے سرکاری وکیلا په وتی حبرءِ منّينگا گيئشتر دلیل قاضی دیئما درشان کت اَنت، گڈا قاضی راضی بیت کہ سرکاری وکیلا دگہ یک مؤھے بہ دات۔
سرکاری وکیلءِ گشگ اَت کہ چہ دوئین متھمان (دستگیران)ءِ لؤگان دستکپتگین کامپیوٹر اَنگت کوّاسان نہ چارتگ اَنت۔ چمشکا آ گيئشتر وھد لؤٹیت۔ یے ردا قاضیا دوئین وکیل گؤن کامپیوٹر ماھران اکتوبرءِ اولی روچا بیگاہءِ کلاک 2:30 کورٹءِ دیما حاضر بیگءِ حکم دات اَنت۔
1 اکتوبر 2008ءَ درستان یکجاہ کنگءِ سبب قاضیا یے ظاھر کت کہ آ روچا کامپیوٹرانءِ چارگ و یک رپورٹے سرجم کنگءِ یک الّمین روچے ھؤریا بہ گيشیئن انت۔ تا قاضی دلجم بہ بیت کہ رپورٹ پہ وھد ساڑی بیت اِنت۔
زیگین پیئشیا یے کئسءِ سرا دراجکشترین بحث بیت اَنت کہ سئے رندا قاضیا دم کنگءِ ضرورت کپت۔ صحبءِ کلاک 10:30 بنگیئج بیتگین کورٹ بیگاہءِ کلاک 4:00 سرجم بیت۔
خیر بیار مری و فیض بلوچ یے وھدی ضمانتءِ سرا آزاد اَنت۔ آ دوئین کورٹا نندوک تنت و سرحال گندگ بیت اَنت۔ یوکین تاموری کہ آوانءِ دیئما ظاهر اَت؛ روچگءِ سببا هر مسلمانءِ دیئما گندگء بیت۔
رپورٹ: کولمیر نمیران پہ بلوچی نیوز چہ اولڈ بیلی کورٹ ۔لندن
هیچ نظری موجود نیست:
ارسال یک نظر
وتی کلوا چێرا نبیس إت