شهید مهرنهاد: گؤن دو حالکاران منی انٹرویو۔

مروچی دو جنین حالکار بے پیشوکی حال دیگا منی انٹرویوءِ گرگا انجمنءِ دفترا آتکگ تنت۔ منا باز وھد نہ رست کہ گؤن آوان شری سرا گپ بہ کنان۔

کموکین وھدے کہ ھست اَت، اشیءِ تؤکا اولا گرماگءِ سے ماھی موکلانءِ وھدا ٹھینتگین انجمنءِ برنامہ آوانءِ دیما ظاھر کت اَنت و آ سهیگ کت اَنت کہ نامناسبین ھیلکاری وسیلوانء کمّی و فکرانءِ رُشت دیگءِ راھانءِ بندگ بیگا ما را نہ وش کتگ۔ البت یک چاگردی و مردمی انجمنے بیگءِ سببا چہ وتی نیمگا جھد کن اِنت کہ جوانانءِ علم و زانتان ردؤم دیگءِ راھانءِ شرتر کنگا کموکین دیمروی یے آرت کت بہ کن اِنت۔ پہ همے مقصدءِ پیلو کنگا مان گرماگی مؤکلانءِ وھدا چہ انجمنءِ نیئمگا ھؤر تھورین کلاسانءِ برجم دارگءِ بند بست کنگءِ حال من آوان دات۔
پہ من چہ پھکان گيئشتر یے حبر لایق دلگؤش اَت کہ دوين حالکار صوبہءِ وانگ و زانگءِ حالت و نامناسبین وسیلوانءِ حالانءِ اشکنگا رند سک دل پدرد بیت اَنت و گؤن افسوزین دلان چہ دفترا در کپت اَنت۔

یکشنبه 28 خرداد1385 برابر گؤن 17 جون 2006