نامدارین ندکار نعمت اللہ گچکی نشنل پارٹیءَ ھؤر بوت

نامدارین ندکار و بلوچستانءِ ادارہ صحتءِ پیسری سروک داکٹر نعمت اللہ گچکی گون نشنل پارٹی ھؤر بوت۔ وتی ھؤر بیگءِ جار آئی مان کوئٹہ پرئس کلبا حالکارانءِ دیما جت۔ پرئس کلبا نشنل پارٹیءِ سروک داکٹر عبدالمالک بلوچ، حاصل بزنجو، طاھر بزنجو، جان بلیدی و دگہ ندوک تنت۔

روچتاک إنتخابءِ ردا وتی جارءِ درگتا واجہ گچکی گشت کہ "إسلامی ریاست قلات"ءَ چہ رند 'نیپ'ءَ بلوچستانءِ لگتمالین مردمانءِ پانکجنی کتگ و نشنل پارٹی ھما جھدءِ وارث إنت۔ نشنل پارٹیءِ فکرءِ بن ھشت إیر کنوک بابائے بلوچستان میر غوث بخش بزنجو أت۔

نشنل پارٹیءِ سروکی مروچی ھنچین جوانانءِ دستا إنت کہ آ گون جمھوری راھبندان ألکاپین ڈولےءَ دیما پیئش کنزان أنت؛ واجہ گچکی وتی گپ سرجم کت۔

Rights reserved by www.balochinews.com