صوبہءِ ناکام و نالایقین مدیر باید وت یکّر به بنت، یا در کنگ بہ بنت و أگر نه راجءِ تھروزانءِ دیما بہ اوشت أنت۔إیش إنت شھید مھرنھادءِ ویبلاگا شنگ بیتگین گڈی سیاهگءِ سرحال۔ و سرجمین سیاھگءِ بلوچی بزانت چیرا داتگ۔ گون ایشیءِ ترّینگا ما پھر بندین کہ مھرنھادءِ وتی ویبلاگا شنگ بیتگین سرجمین سیاھگ بلوچیءَ ترّینگ و شنگ کنگ بوت أنت۔ ألبت شھیدءِ جھدءِ داستان إنچو گوَنڈ نہ إنت۔ چدا پیئسر آئیءِ بازین بیان و نبشتانگ أنجمن صداءِ عدالتءِ ویبلاگا شنگ بیتگ أنت کہ آوان ما دیمترا ترّینان کنین۔ ترانگ بہ کپ إت کہ مھرنھاد چہ إے نبشتانگءِ شنگ کنگءِ روچا دوھفتگ و دو روچ رند، بزان 27 أپریل 2007 دستگیر کنگ بوت۔ بلوچی نیوز
پہ سھولتانءِ کمی و مشلانءِ حل کنگا چہ ھر صوبوا گيئشتر سیستان وبلوچستانءِ نیمگا دلگوش دیگءِ ضرورت إنت، چیاکہ مرچان مردم سک پریشان أنت۔ بلی تورین صوبہ چہ سوھندہ و دانایین مردمان پُرّ إنت، سرکارا ھمنچو جھد نہ کتگ کہ صوبہءِ وتی واھگدار و توانایین مردمانءِ واک وسرپدیان پہ صوبہءِ مشکل و کمّیانءِ گار کنگا کارمرز به کنت۔ إے پیش داریت که ذموارین حکومتی مردمان پہ بلوچ و بلوچستانءِ سرکچ ورگا ضروریین دلگوش گور نہ کتگ۔
مدیرانءِ نزوری و پدا مذھبی جیڑہ و سیاستءِ توکا آوانءِ دستمانجیان صوبہءِ مشکلان حل کنگءِ راہ گندہ تر مان پٹینتگ۔ بازینے چہ إے مشلان حل کنگ و پَٹانءِ گيشینگءِ إیوکین در مدیران راھا آرگ یا مٹینگ إنت۔
صوبہءِ مردمانءِ مزنترین لوٹ ھردچارین مدیرانءِ دیر کنگ و آوانءِ جاھا إنصاف دوستین مردم نندارینگ إنت۔ أگر مردمانءِ إے لوٹ پیلو کنگ مہ بیت، گڈا إمبری ھنچین سالے بیت کہ ذموارانءِ سرا مردم آس شان أنت و ذموار گون پدلین جیڑوان دیم پہ دیم بنت، و پہ صوبہءِ إیمنیءِ برجاہ دارگا حکومت دلسیاہ بیت۔ پہ نادوستین واکداران عقلی کار وا ھمے بیت کہ آ مردمانءِ لوٹءِ ردا کرّ بہ کن أنت۔ تا صوبہ چدا گيئشترین مشکلانءِ آماچ مہ بیت۔
چارشنبہ 22 فروردین 1386 ھمدپ گون 11 أپریل 2007
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت