مان زاھدان سنیانءِ مزنترین بنجاہ 'مکی مسجد'ءِ تھا شنبہءِ روچا مزنین مچّییے إیرانی واکانءِ سرکشّیءَ برجم دارگ بوت۔ مان إے مچی ملا، میر، دودربیدگی جھدکار و بلدیہءِ باسکانءِ ھوریا چہ صوبہءِ کلگ و میتگان بازین کسان بھر زرت، مذھبی و راجی جیڑوانءِ سرا گپ تران بیت۔
راڈیو بلوچیءَ شنگ بیتگین بیانےءَ کہ بلوچستانءِ إنسانی حقانءِ پانکجین تنظیم 'بلوچستان یومن رائٹس واچ'ءِ نیمگا راہ دیگ بیتگ، گشگ بیتگ کہ دیوانءِ گڈسرا بیانے پہ إیرانءِ مذھبی پیشونک علی خامنہ إی نبیسگ بیتگ۔
دیوانا چہ إیرانی واکان لوٹ کتگ کہ عظیم آبادءِ مسیت و دینی مدرسہ پدا أڈ کنگ بہ بنت و بندیگین ملا ویل کنگ بہ بنت، و سنّيانءِ سرا زوراکی أنگار کنگ بہ بنت۔
مان بلوچستان نادینتگین علی خامنہ إیءِ خاصین نمایندہ واجہ سلیمانی ھم گون إے دیوانا گپ کت. آئی صوبہءِ مردمانءِ سرا زوراکی منّت أنت و گشت کہ آ ھم إے بابتا نہ وش إنت۔
۔
إے مچّی یک ھنچین وھدےءَ برجم دارگ بیتگ کہ مان دمگا إیرانی واکانءِ بمبگواریءِ حال شنگ بیگا أنت و چہ ھر نیمگا إیرانءِ دستا بلوچانءِ إنسانی حقانءِ لگتمالیانءِ إیرجنگا پانکجن جاک سلوات کنگا أنت۔
.
زانوگرانءِ خیالا إے ڈولین مچّیانءِ مزنترین مقصد سرکارا دلجم کنگائینگي إنت کہ جاور أنگت آوانءِ دستا أنت و صوبهءَ أبید چہ آوان دگہ سیاسی یا چاگردی طاقت نیست إنت۔ إیشیءِ تاوانان چه هر ٹولیءَ گیئشتر سلاحبندین جهدکاران رس أنت۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت