کش گــوَری خاصین حال

مان یمن ھئور و ھارانءِ سببا 48 مردم کشگ یا گار بوت

تیزین ھئور ، ھار و سیلابءِ سببا یمنءِ تھا بازین تاوانباری بوت و تنے وھدی 48 مردمانءِ کشگ بیگ یا گاریءِ حال شنگ بیتگ۔ ترس إنت کہ بازین تاریخی ماڑی ھم تاوان بہ بنت۔ إیشانءِ تھا ملکه 'شیبا'ءِ ماڑی ھم ھؤر إنت۔

أفغان سرکار و طالبانءِ گند نند دیما روگا أنت

أفغانستانءِ سرکار و سرکارمخالف طالبانءِ نیاما سعودیءِ واکانءِ سرکشّیءَ پہ صحل کنگا گپ تران بیتگ۔ أفغانستان درملکی جاورانءِ وزیر رنگین دادفر إسپنتا گشت کہ دیمتری گپ ھمے زیتان برجم دارگ بنت۔

تنے وھدیگین دیوان چيرکائی مان سعودی برجم دارگ بیتگ أنت کہ اؤدا سعودیءِ شاہ عبداللہ، أفغانستان و پاکستانءِ نمایندوانءِ ھؤریا طالبان ھم بھر زرتگ۔

چہ إے مزاکراتی دیوانان رستگین أولی نقطہ أیش أنت کہ طالب درملکی فوجیانءِ درایگءِ لوٹا کنگا أنت و أفغانستانءِ سرکار إے لوٹا نہ منگا إنت۔

مان أفغانستان خشخاشءِ کشارا کِشگا کمّی

چہ أمریکاءِ نیمگا شنگ بیتگین رپورٹےءَ گشگ بیتگ کہ أفغانستانءِ توکا تریاکءِ کشارا کِشگا سئے یکّے (31٪) کم بیتگ۔ بزان 2007ءَ آمدن کہ 8 ھزار ٹن بیتگ که جھل آتکگ و پہ 5500 ٹن رستگ۔ ألبت میان راجی گلءِ أندازہءِ ردا إمبری تریاک یوکا 6٪ کمتر در کیئت۔

Rights reserved by www.balochinews.com