خداءِ ناما گران کہ زبان و نسلان أڈ کنگ آئیءِ نشانی أنت۔مڑاھدارین کماش، اُستاد و إنسانی حقانءِ پانکجن و جھد کاران!
أولسرا من إنسانی حقانءِ میان اُستمانی روچا شمارا مبارکباد گشان۔ پدی خداوندءِ منتان گران کہ منا توفیق ئی داتگ کہ پیسری سئے دیوانانءِ ڈؤلا یک رندے پدا شمئے دیما حاضر بہ بان و بلوچستانی مردمانءِ درد و اندوھان بیان کت بہ کنان۔
إنسانی حقانءِ پانکجنانءِ أولی دیوانا منی گپانءِ سببا یک دستےءَ مئے مردم راضی بوت أنت، آدگہ دستا دیوان داروکانءِ نیکین واھگ إش بھرا آتک۔ دومی رندا کہ دیوان 'لٹ کٹ، ظلم و بے راھیانءِ دیما دارگ'ءِ سرحالءِ سرا أت ھم ھمے پیما پہ ما سوبمند بوتین۔
مرچیین سرحال کہ 'دودربیدگ، پجّار و إنسانی حق' إنت؛ یک رندے پدا باز گپ و دردءِ دل پہ گشگا منا هست إنت۔ ألبت وھدءِ کمّیءِ سببا مجبوران کہ إیوکا دودربیدگءِ ضروریترین بھر؛ زبانءِ سرا گپ بہ کنان و عزیزانءِ دلگوشا ھمشیءِ چپ چاگردءِ جیڑوانءِ نیمگا ترّینگ لؤٹان۔ إے گيئش کنگ ھژدری إنت کہ إنسانی حقانءِ روچءِ درگتا برجاہ داشتگین دیوانا زبانءِ سرا گپ کنگ یک گيئشین نپے إنت۔ إدا وتی دلانءِ خبران زبانءِ سرا آرگ و پہ گوشداروکان درشان کنگءِ شرترین جاہ إنت۔
ھنچو کہ شما زان إت إیرانءِ توکا أوارین قوم، دودربیدگ و زبانانءِ واھند نندؤک أنت۔ إیران ھمے باز قومی، زبانی و دودربیدگی راستیانءِ بَروَرد إنت۔ أگر ما إیرانءَ إیوکا یک قومےءِ ناما بہ کنین، گڈا إیشیءِ مروچیین پراہ و شاھگانیءَ باز نز کارین۔ بزان أگر ما بلوچستانءَ، کردستانءَ، خوزستانءَ، ترکمنصحراءَ، آذرآبادگانءَ چہ نقشوان دیر بہ کنین، أنگت قوم وتی جاگھا پشت کپ أنت۔
أگر کسے ھمے باور بہ کنت کہ تھرانءِ ڈولا سرجمین إیرانءِ مردمی آبادی یکین قومءِ مردم أنت؛ چٹا رد إنت۔ و إے باور کنگ کہ پہ دَروَر بلوچ إیوکا بلوچستانءَ جاہ منند أنت، ھم روا نہ إنت۔ چیاکہ چہ زاھدانءِ توکا نندوکین بلوچان أنگت گيئشتر مان خراسان جنوبی، مرکزی، شمالی، گلستان، ھرمزگان و کرمانءَ بلوچیءَ گپ کنوک جاہ منند أنت۔
پہ ھر إنسانےءَ ماتی زبانے ھست۔ ما گون ھما نظران سرجمیا ھمپَتـّین کہ مان یک ملکےءَ سراسری زبانےءَ لؤٹوک أنت و ملکءِ سرجمین مردمان سرا فرض إنت کہ آ زبانءِ رکّينگا بہ تـُکش أنت. ألبت ما ھچبر نہ منـّين کہ ملکءِ آدگہ زبان پہ إیشی قربان کنگ بہ بنت یا کسے آ دگہ زبانان کمرنگ کنگ یا گار کنگءِ جھدا بہ کنت۔
ألّما دگہ قومانءِ زبانان چم نظرا نہ آرگ قومان گار کنگءِ یک پدلےءَ چہ أبید دگہ ھچ نہ إنت۔ میان اُستمانی قانون و بیانان، و ملکءِ بن راھبندءِ بند 15 و 19ءِ سرا عمل کنگءِ دیما دارگءِ جھد کنوکانءِ مزنترین واھگ قومانءِ دودربیدگان بیگواہ کنگ إنت و بدلا دگرانءِ دودان لاگو کنگ إنت۔
پہ زانت یا نزانتی قومانءِ زبان، پُچّ، و ربیدگانءِ نیمگا دلگوش نہ دیگ یک دودربیدگ کُشی سیاست و رپکے زانگ بیت کہ عاقبتا دمگانءِ دودربیدگان گار کنت۔ إے کارپدانءِ بَروَرد ھمے بنت کہ دمگانءِ مردم پہ وتی رکـّینگا گون مزنترین مچّیان وتا لِچّین أنت۔ إدا نندوکین سرجمین قومانءِ دودربیدگ إیرانءِ دودربیدگ أنت، إیشانءِ گار کنگا ملکءِ دود بے رنگ پَشت کپیت۔
مڑاھدارین کماش، إنسانی حقانءِ پانکجن و جھد کاران!
مئے زبان، پچ، مذھب و جغرافیائی ھند مئے دودربیدگ و پجّار أنت، بلے أفسوز کہ سلترین بے مھری و نادلگوشیانءِ آماچ أنت۔ أگر ما زبانےءَ پجّار و دودربیدگءِ ھژدری بھرے منّین و إنسانانءِ بُنی حقانءِ رَما بیارین، گڈا سرپد بیین کہ مروچی ما بیمناکترین دورےءَ گوَزگائین۔
مئے درد و پریشانی ملکی و میان اُستمانی قانونانءِ نہ بیگ نہ أنت؛ چیاکہ دھان سال إنت إے کار گيشینگ بیتگ أنت۔ مئے مشکل ھمے قانونانءِ رواج نہ گرگ إنت۔ میان اُستمانی قراربند و بیانانءِ وانگا رند ما شرّیا سرپد بیین کہ قومان وتی زبانا وانینگءِ جیڑہ گون شیواری گيشینگ بیتگ أنت۔ مئے وتی ملکءِ بن راھبندءِ بند 15 و 19ءَ ھم إے مسئلہءِ سرا خیال گوَر کنگ بیتگ۔ بلے فسوز کہ پھک إیوکا تا نبیسگءِ حدّا أنت، ھچبر إیشانءِ سرا عمل نہ بیتگ۔
ما قومی أقلیت کہ إدا بلوچ ھم ھؤر أنت، چہ وتی کمترین إنسانی حق بزان ماتی زبانان وانگا زبھرین و وتی ماتی زبانان چیزے وانت نہ کنین۔ وتی ترسا من إے دیوانءِ تھا درشان کنگ لؤٹان کہ إیرانی قوم پجّار و دودربیدگی جیڑوانءِ آماچ أنت۔ أقلیتی قومانءِ میلیونان مردم، تان إدا کہ چک و نوجوان، بن راھبندءِ ھمے بند 15 و 19ءِ سرا عمل نہ کنگءِ سببا ڈالچار بیگا أنت۔
أگر قومانءِ زبان کشا گون مہ بنت، گڈا ما سرکاری زبان فارسیءِ ھیئل دیگا وتی بُنی إنسانی حقانءِ لگتمالی و زنڈین زوراکییے لیئکین، و چہ پھکین إنسانی حقانءِ پانکجنان إے نیمگا دلگوش دیگءِ دستبندی کنین۔ ما قومانءِ زبانان مدرسوانءِ توکا وانیگءِ واھوکین۔ ألّما بلوچستانءِ تھا پہ وتی زبانءِ "إستاندارد" کنگا، إملا، گالبند و راھبندانءِ دپ ما دپ دیگا ما ساڑیین۔
یک إسلامی ملکےءِ توکا زند گوازینگءِ سببا وتی مشکلانءِ نیمگا ما زیتتر و شرترین کارپدے گندگءِ اُمیدا کنین۔ چیا کہ وھدے سویڈنءِ ڈولین غیر إسلامی ملکےءَ یوکا پنچ وانوک أگر دگہ زبانےءِ گپ کنوک بہ بنت، آ ماتی زبانا وانینگ بنت۔ بلے إیرانءَ تنے وھدی ما بلوچان پہ دَروَرےءَ یک وانگجاھے یا إسکولے نیست إنت کہ آودا بلوچی وانینگ بہ بیت۔
گڈسرا من چہ شما بزرگان کہ إدا نندوک إت، إنسانی حقانءِ پانکجنوکین جھدکاران، قانون ٹھینوکان و خاص ملکءِ ٹھینتگین قانونانءِ رواج دیوکان لوٹ کنان کہ پدل قومانءِ زبانان رکـّینگءِ نیمگا کار بہ کن إت۔
من پہ شما إے بلوچی شعرءِ ندر کنگا رند وتی گپان سرجم کنان:
بلوچی مئے و تی شهدین زبان إنت
بلوچـــی أصل فـرهنگ ودوام إنت
بلوچـــــان گون بلوچی آشکار أنت
بلوچان بے بلوچی زیان وگار أنت
منتواران۔
مئے درد و پریشانی ملکی و میان اُستمانی قانونانءِ نہ بیگ نہ أنت؛ چیاکہ دھان سال إنت إے کار گيشینگ بیتگ أنت۔ مئے مشکل ھمے قانونانءِ رواج نہ گرگ إنت۔ میان اُستمانی قراربند و بیانانءِ وانگا رند ما شرّیا سرپد بیین کہ قومان وتی زبانا وانینگءِ جیڑہ گون شیواری گيشینگ بیتگ أنت۔ مئے وتی ملکءِ بن راھبندءِ بند 15 و 19ءَ ھم إے مسئلہءِ سرا خیال گوَر کنگ بیتگ۔ بلے فسوز کہ پھک إیوکا تا نبیسگءِ حدّا أنت، ھچبر إیشانءِ سرا عمل نہ بیتگ۔
ما قومی أقلیت کہ إدا بلوچ ھم ھؤر أنت، چہ وتی کمترین إنسانی حق بزان ماتی زبانان وانگا زبھرین و وتی ماتی زبانان چیزے وانت نہ کنین۔ وتی ترسا من إے دیوانءِ تھا درشان کنگ لؤٹان کہ إیرانی قوم پجّار و دودربیدگی جیڑوانءِ آماچ أنت۔ أقلیتی قومانءِ میلیونان مردم، تان إدا کہ چک و نوجوان، بن راھبندءِ ھمے بند 15 و 19ءِ سرا عمل نہ کنگءِ سببا ڈالچار بیگا أنت۔
أگر قومانءِ زبان کشا گون مہ بنت، گڈا ما سرکاری زبان فارسیءِ ھیئل دیگا وتی بُنی إنسانی حقانءِ لگتمالی و زنڈین زوراکییے لیئکین، و چہ پھکین إنسانی حقانءِ پانکجنان إے نیمگا دلگوش دیگءِ دستبندی کنین۔ ما قومانءِ زبانان مدرسوانءِ توکا وانیگءِ واھوکین۔ ألّما بلوچستانءِ تھا پہ وتی زبانءِ "إستاندارد" کنگا، إملا، گالبند و راھبندانءِ دپ ما دپ دیگا ما ساڑیین۔
یک إسلامی ملکےءِ توکا زند گوازینگءِ سببا وتی مشکلانءِ نیمگا ما زیتتر و شرترین کارپدے گندگءِ اُمیدا کنین۔ چیا کہ وھدے سویڈنءِ ڈولین غیر إسلامی ملکےءَ یوکا پنچ وانوک أگر دگہ زبانےءِ گپ کنوک بہ بنت، آ ماتی زبانا وانینگ بنت۔ بلے إیرانءَ تنے وھدی ما بلوچان پہ دَروَرےءَ یک وانگجاھے یا إسکولے نیست إنت کہ آودا بلوچی وانینگ بہ بیت۔
گڈسرا من چہ شما بزرگان کہ إدا نندوک إت، إنسانی حقانءِ پانکجنوکین جھدکاران، قانون ٹھینوکان و خاص ملکءِ ٹھینتگین قانونانءِ رواج دیوکان لوٹ کنان کہ پدل قومانءِ زبانان رکـّینگءِ نیمگا کار بہ کن إت۔
من پہ شما إے بلوچی شعرءِ ندر کنگا رند وتی گپان سرجم کنان:
بلوچی مئے و تی شهدین زبان إنت
بلوچـــی أصل فـرهنگ ودوام إنت
بلوچـــــان گون بلوچی آشکار أنت
بلوچان بے بلوچی زیان وگار أنت
منتواران۔
جمعه 25 آذر 1384 ھمدپ گون16 دسمبر 2005 کلاک 13:52
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت