چہ سیستان و بلوچستان زانتجاہءَ وتی وانگا سرجم کنوکین جوان، آوانءِ کٹم و اُستادانءِ دیما أنجمن جوانان صداءِ عدالتءِ سروک شھید مھرنھادءِ تران۔
شما کماشانءِ دیما سلام گشان۔
باز گلان و منی دل خرسند إنت کہ چہ علم و زانتءِ ثمرا کوٹانین وتی جوان نسلءِ نیاماوان۔ ھما جوانانءِ نیاماوان کہ بازین جھدان رند مروچی سَنـَدانءِ دروشما په بروردانءِ زیرگا ساڑی أنت۔ رندترا چہ إیشان اُمید کنگ بیت کہ جھدءِ پڑءِ دومی بھرا پہ نیلین آسمانءِ إیر آرگا وتی گامان دور دے أنت۔ اُلس چہ وانندوین مردمےءَ ھمے ڈولین گامگیجان زیرگءِ اُمیدا کن أنت۔
أنجمن جوانان صداءِ عدالت إیشیا وتی إنسانی و چاگردی ذمواری لیکیت کہ پہ عمل و زانتءِ دستا آرگا وانگ دربروکانءِ جھدانءِ منـّتان بہ گریت۔ ما ھنچوش مارین کہ إے لایق و عزتمندین دوستانءِ قدر چہ إے دابین مچّییےءَ کہ آوانءِ شرپا برجاہ دارگ بیتگ، سک باز گيئشتر إنت۔ چیاکہ وانگ دربروکانءِ أرزش ھمنچوک باز إنت کہ آوانءِ واھگان گون همرد سرجمین راج پجاہ آرگ بیت۔ یک چاگردےءِ توکا ھر وھد بہ گندئے کہ مردمانءِ لوٹ پیلو کنگ نہ بیگا أنت، پھک وتی چمان وانگ دربروکانءِ سرا سک کن أنت۔
لھتے مردمانءِ خیالا شاگردانءِ واھگ و توان چاگردےءَ چہ بے ساریءَ ڈاہ دات۔ ألبت منی فکرا وانوکانءِ سرا چمان سک کنوکین نظرانءِ واھند هردچاری کن أنت و مردمان پہ جنگا پاد کن أنت۔ راستیا وانوکانءِ جھد چؤ بیتگ کہ آوان وتی چاگرد و سرکارانءِ أندیم کتگین و أصلی دروشم ظاھر کتگ أنت۔ ألّما إے بابتا بازین گپے پہ کنگا بیت کنت و جھد و لؤٹانءِ دراجین لڑ گندگ بنت۔
أفسوزی گپے إنت کہ مئے چاگردا وانوکانءِ قدرا سیاسی مردم گون وتی ضرورتان رد بند دے أنت۔ آ جھد کن أنت کہ مشکلانءِ دیمپان وانوکان بہ کن أنت۔ گوستگین بازین سالان سیاسی ٹولیانءِ ھمے کارپد ودی بیتگ أنت۔ یک ٹولییے وانگ دربروکانءِ مچییےءِ تھا آزادیءِ سرا گشتانک دیگا إشکنگ و "واگو" ئی أرس ریچگا گندگ بیتگ، بہ گندئے دگرےءَ وراک و إقتصادءِ سرا گون کوکـّاران آسمان سرا زرتگ۔ بزان بازین جھد کنگ بیتگ کہ سرپدین وانوکانءِ کمکا مردمانءِ دلان دستا بیار أنت، آزادیءِِ پھازگ و مردمان نان دیگءِ ناما وت آپ لاپ بہ بنت۔
مئے ملکا ھر نوکین دولتے کہ واکان دستا گریت مردمانءِ ھمے بیم برجاہ مان أنت کہ چؤ مہ بیت إے سرکارءِ کوکّارھم مفتین بٹاک بہ بنت و پیئشیانءِ ڈولا مردمانءِ دلگوش إش وا رَسِت، بلے کار مه کن أنت! بلی تورین إے بیم و اُمید کش مان کش روگا أنت، ما پدا ھم وتا گیئشتر اُمیدانءِ بندیگ کنین و ھمے گندگا ھُدوکین کہ شِروک ورگا ظاھرین چیز أرزشمند ثابت بہ بنت۔
گڈسرا ھمے بہ گشان کہ ما وانگ دربروکانءِ روچ 16 آذر (7 دسمبر)ءِ نزیکا رسگائین۔ إے مزنین روچءِ درگتا شما عزیزان و آ دگہ پھکین وانوکان مبارکباد گشان۔ ھوریا اُمید کنان کہ وانوک إے روچا أھمیت دے أنت؛ بلّی تورین آ برے برے ڈن چہ وانجاھان آتکگین ٹولی و گلانءِ دستا بھر کنگ بنت۔ إے اُمید ھم کنگ بیت کہ وانوکانءِ روچا سرکار حسابا کاریت و إے روچا آوانءِ لوٹ شرّی سرا چارگ بنت۔ یوکا سرکار و وانگجاھانءِ کماش إنّا، چہ چاگرد و کھولان ھم ھمے اُمید إنت کہ آ إے روچا شاگردانءِ لوٹانءِ نیمگا گيئشتر دلگوش دے أنت۔
یک رندے پدا وتی وانگا سرجم کنوکان و آوانءِ کھولان من مبارکباد گشان۔ دریگتے ذموارین مردم إدا نندوک بہ بیتین تنت تا چہ آوان جست کنگ بیت کتگ أت کہ بارین آوان پہ إے جوانان کار، سانگ و لوگجاگہ ردا مددےءِ بند بست کتگ، تا إے مردمانءِ نیاما بہ رو أنت و وتی ذمواریان پیلو بہ کن أنت؟ منی گل بیگ وتی جاگھا، پہ شما پریشانان ھم۔ بارین شمئے زانت و سرپدیان کاربندگا چاگردءِ توکا چشین پڑے ھست یا نہ؟ ۔۔۔ وسّلام علیکم۔
شنبه 12 آذر 1384 ھمدپ گون 3 دسبمر 2005 کلاک 20:26
شما کماشانءِ دیما سلام گشان۔
باز گلان و منی دل خرسند إنت کہ چہ علم و زانتءِ ثمرا کوٹانین وتی جوان نسلءِ نیاماوان۔ ھما جوانانءِ نیاماوان کہ بازین جھدان رند مروچی سَنـَدانءِ دروشما په بروردانءِ زیرگا ساڑی أنت۔ رندترا چہ إیشان اُمید کنگ بیت کہ جھدءِ پڑءِ دومی بھرا پہ نیلین آسمانءِ إیر آرگا وتی گامان دور دے أنت۔ اُلس چہ وانندوین مردمےءَ ھمے ڈولین گامگیجان زیرگءِ اُمیدا کن أنت۔
أنجمن جوانان صداءِ عدالت إیشیا وتی إنسانی و چاگردی ذمواری لیکیت کہ پہ عمل و زانتءِ دستا آرگا وانگ دربروکانءِ جھدانءِ منـّتان بہ گریت۔ ما ھنچوش مارین کہ إے لایق و عزتمندین دوستانءِ قدر چہ إے دابین مچّییےءَ کہ آوانءِ شرپا برجاہ دارگ بیتگ، سک باز گيئشتر إنت۔ چیاکہ وانگ دربروکانءِ أرزش ھمنچوک باز إنت کہ آوانءِ واھگان گون همرد سرجمین راج پجاہ آرگ بیت۔ یک چاگردےءِ توکا ھر وھد بہ گندئے کہ مردمانءِ لوٹ پیلو کنگ نہ بیگا أنت، پھک وتی چمان وانگ دربروکانءِ سرا سک کن أنت۔
لھتے مردمانءِ خیالا شاگردانءِ واھگ و توان چاگردےءَ چہ بے ساریءَ ڈاہ دات۔ ألبت منی فکرا وانوکانءِ سرا چمان سک کنوکین نظرانءِ واھند هردچاری کن أنت و مردمان پہ جنگا پاد کن أنت۔ راستیا وانوکانءِ جھد چؤ بیتگ کہ آوان وتی چاگرد و سرکارانءِ أندیم کتگین و أصلی دروشم ظاھر کتگ أنت۔ ألّما إے بابتا بازین گپے پہ کنگا بیت کنت و جھد و لؤٹانءِ دراجین لڑ گندگ بنت۔
أفسوزی گپے إنت کہ مئے چاگردا وانوکانءِ قدرا سیاسی مردم گون وتی ضرورتان رد بند دے أنت۔ آ جھد کن أنت کہ مشکلانءِ دیمپان وانوکان بہ کن أنت۔ گوستگین بازین سالان سیاسی ٹولیانءِ ھمے کارپد ودی بیتگ أنت۔ یک ٹولییے وانگ دربروکانءِ مچییےءِ تھا آزادیءِ سرا گشتانک دیگا إشکنگ و "واگو" ئی أرس ریچگا گندگ بیتگ، بہ گندئے دگرےءَ وراک و إقتصادءِ سرا گون کوکـّاران آسمان سرا زرتگ۔ بزان بازین جھد کنگ بیتگ کہ سرپدین وانوکانءِ کمکا مردمانءِ دلان دستا بیار أنت، آزادیءِِ پھازگ و مردمان نان دیگءِ ناما وت آپ لاپ بہ بنت۔
مئے ملکا ھر نوکین دولتے کہ واکان دستا گریت مردمانءِ ھمے بیم برجاہ مان أنت کہ چؤ مہ بیت إے سرکارءِ کوکّارھم مفتین بٹاک بہ بنت و پیئشیانءِ ڈولا مردمانءِ دلگوش إش وا رَسِت، بلے کار مه کن أنت! بلی تورین إے بیم و اُمید کش مان کش روگا أنت، ما پدا ھم وتا گیئشتر اُمیدانءِ بندیگ کنین و ھمے گندگا ھُدوکین کہ شِروک ورگا ظاھرین چیز أرزشمند ثابت بہ بنت۔
گڈسرا ھمے بہ گشان کہ ما وانگ دربروکانءِ روچ 16 آذر (7 دسمبر)ءِ نزیکا رسگائین۔ إے مزنین روچءِ درگتا شما عزیزان و آ دگہ پھکین وانوکان مبارکباد گشان۔ ھوریا اُمید کنان کہ وانوک إے روچا أھمیت دے أنت؛ بلّی تورین آ برے برے ڈن چہ وانجاھان آتکگین ٹولی و گلانءِ دستا بھر کنگ بنت۔ إے اُمید ھم کنگ بیت کہ وانوکانءِ روچا سرکار حسابا کاریت و إے روچا آوانءِ لوٹ شرّی سرا چارگ بنت۔ یوکا سرکار و وانگجاھانءِ کماش إنّا، چہ چاگرد و کھولان ھم ھمے اُمید إنت کہ آ إے روچا شاگردانءِ لوٹانءِ نیمگا گيئشتر دلگوش دے أنت۔
یک رندے پدا وتی وانگا سرجم کنوکان و آوانءِ کھولان من مبارکباد گشان۔ دریگتے ذموارین مردم إدا نندوک بہ بیتین تنت تا چہ آوان جست کنگ بیت کتگ أت کہ بارین آوان پہ إے جوانان کار، سانگ و لوگجاگہ ردا مددےءِ بند بست کتگ، تا إے مردمانءِ نیاما بہ رو أنت و وتی ذمواریان پیلو بہ کن أنت؟ منی گل بیگ وتی جاگھا، پہ شما پریشانان ھم۔ بارین شمئے زانت و سرپدیان کاربندگا چاگردءِ توکا چشین پڑے ھست یا نہ؟ ۔۔۔ وسّلام علیکم۔
شنبه 12 آذر 1384 ھمدپ گون 3 دسبمر 2005 کلاک 20:26
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت