"خدا ھچ راجءِ حالا شرتر نہ کنت تناوھدی کہ آ وت پہ وتی جاورانءِ شرتر کنگا گامگیج بہ بیت"
پلانءِ سرپگ و ندارگان براھدار بیگ إنسانان درسے دات کہ آ ھم پہ وتی جاور و حالتءِ شرتر کنگا جھد بہ کن أنت۔ یا شرتر چؤ بہ گشان کہ موسم بھارءِ کلہ ھمش إنت کہ مردم وتی زندگیان پلناکتر بہ کن أنت۔
سک شر بیتگ أت أگر ما إنسانان موسم بھار و قدرتءِ إے کلہءِ سرا پہ وتی جند و چاگردءِ نپا عمل بہ کتین أت، خاص ما سیستان و بلوچستانءِ مردمانءِ فرض بیت کہ لھتیانءِ بے مھری و چہ مئے چاگرد و دودربیدگا آوانءِ ناسرپدیانءِ پروش دیگا مردمانءِ أصلی دودربیدگ و مقصدان دیما بیارین۔
أنگت شرتر بیت أگر ما إمبریین سالا ردین باورانءِ مٹـّینگءِ سال بہ منّین، وتی جندءِ فکر و باوران یکّر بہ کنین و پہ إے هؤرین کارءِ گیشینگا ھمدست بہ بئین۔ پرچا کہ مئے مردمانءِ قدرتی حق إنت کہ آوانءِ تچکین مقصد و باور ملک و دنیاءِ مردمان پیئش دارگ بہ بنت۔ مئے مردم یک ھنچین دود ربیدگےءٍ واهند أنت کہ آئیءِ أصلی کلہ إیمنی، مردم دوستی، عزت، غیرت، میارجلّی و زوراکیءِ دیما اوشتگ إنت۔
ھمے اُمید کنگ بیت کہ سرجمین هما مردم کہ دل إش سوچیت، ھؤر بنت و پہ إے مقصدانءِ پیلو کنگا جھد کن أنت۔
شمئے واھگانءِ پیلو بیگ واھوک
یعقوب مھرنھاد –أنجمن جوانان صداءِ عدالتءِ سروک
نوروز1386 ھمدپ گون 21 مارچ 2007
پلانءِ سرپگ و ندارگان براھدار بیگ إنسانان درسے دات کہ آ ھم پہ وتی جاور و حالتءِ شرتر کنگا جھد بہ کن أنت۔ یا شرتر چؤ بہ گشان کہ موسم بھارءِ کلہ ھمش إنت کہ مردم وتی زندگیان پلناکتر بہ کن أنت۔
سک شر بیتگ أت أگر ما إنسانان موسم بھار و قدرتءِ إے کلہءِ سرا پہ وتی جند و چاگردءِ نپا عمل بہ کتین أت، خاص ما سیستان و بلوچستانءِ مردمانءِ فرض بیت کہ لھتیانءِ بے مھری و چہ مئے چاگرد و دودربیدگا آوانءِ ناسرپدیانءِ پروش دیگا مردمانءِ أصلی دودربیدگ و مقصدان دیما بیارین۔
أنگت شرتر بیت أگر ما إمبریین سالا ردین باورانءِ مٹـّینگءِ سال بہ منّین، وتی جندءِ فکر و باوران یکّر بہ کنین و پہ إے هؤرین کارءِ گیشینگا ھمدست بہ بئین۔ پرچا کہ مئے مردمانءِ قدرتی حق إنت کہ آوانءِ تچکین مقصد و باور ملک و دنیاءِ مردمان پیئش دارگ بہ بنت۔ مئے مردم یک ھنچین دود ربیدگےءٍ واهند أنت کہ آئیءِ أصلی کلہ إیمنی، مردم دوستی، عزت، غیرت، میارجلّی و زوراکیءِ دیما اوشتگ إنت۔
ھمے اُمید کنگ بیت کہ سرجمین هما مردم کہ دل إش سوچیت، ھؤر بنت و پہ إے مقصدانءِ پیلو کنگا جھد کن أنت۔
شمئے واھگانءِ پیلو بیگ واھوک
یعقوب مھرنھاد –أنجمن جوانان صداءِ عدالتءِ سروک
نوروز1386 ھمدپ گون 21 مارچ 2007
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت