مرچی زاھدانءَ دوکس درنجگ بوت
مرچی صحبا زاھدانءِ بندیگجاھا ڈرگ بھا کنوکءِ ناما دوکس درنجگ بوت أنت۔ إیرانءِ سرکاری حالجاھےءَ مردمانءِ نام 'ع-م' و 'خ-ن' ظاھر کتگ أنت و گيئش کتگ کہ چہ إیشانءِ گورا کساس 63 کیلوگرام ھیروئن و 87 کیلوگرام خشیش دراتکہ بیتگ۔
مان پھرہ دوکس کشگ بوت
إیرانی حالجاه 'إسنا'ءَ خبرے شنگ بیتگ و آئیءِ ردا چاریگان سرکاری واک سھیگ کتگ أنت کہ مان پھرہ (إیرانشھر) یک لوگےءِ توکا شورشی نندوک بیتگ أنت۔ إے حالءِ پدا سلاحبندین واک لوگےءِ سرا ھیلگر بیتگ أنت و توکا نندوکین سلاحبندین مردمانءِ سرا تیر إش جتگ۔ إیشیءِ سببا دوکس کشگ بیتگ أنت۔ رندا لوگ پٹاسگ بیتگ و إے درگتا یک سلاحے گون تیران، یک ٹویوٹا گاڑییے و یک موٹر سائکلے واکان دستا کپتگ۔
Rights reserved by www.balochinews.com
هیچ نظری موجود نیست:
ارسال یک نظر
وتی کلوا چێرا نبیس إت